Y Dydd

GWERTHU LLYFRAU YN Y CAPFLI. Mae y mater hwn yn un a haeddai gael sylw. Yr oedd llythyr "Diacon" yn y Tyst, mor ya- gubol, fel nad oeddwn yn dysgwyl iddo gael pasio yn ddisylw. Nid yw ond ofer gwadu, y mae llawer o eglwysi yn cael eu blino a'u beichio gan y rhai a ddeuant heibio i gynyg eu cynyrch- ion, ac y mae pob peth yn eu dull yn tueddu i greu rhagfar i yn eu herbyn. Ond y mae pob peth sydd yn erbyu goddef i'r cyfryw ddynion gynyg eu llyfrau yn erbyn hefyd dderbyn eu cy- hoeddiadau i bregethu; ac y mae yr awdurdod yn gwbl yn llaw yr eglwysi eu hunain i bender- fynu pwy a dderbyniant, a phwy a wrthodant. Ond y mae y cwestiwn pa fodd i ddwyn llyfrau buddiol i gyrhaedd ein pobl yn un y dylai yr eglwysi ei gymeryd i fyny o ddifrif. Ni waeth i ni heb wenieithio i ni ein hunain, y mae llawer o'n pobl yn hynod o anwybodus, ac nid ydynt yn darllen dim a rydd iddynt wybodaeth fudd- iol. Mae gwasgaru llyfran yn nglyn a'r capeli wedi bod yn Nghymru o'r dechreuad. Felly y lledaenwyd y llyfrau goreu yn ein hiaith. Ofer hollol ydyw dyweyd na raid i unrhyw awdwr teilwng ond cyhoeddi llyfr, a hysbysu pa le y mae i'w gael, na cheir digon o dderbyniad iddo. Mae yn sicr genyf na chyhoeddodd "Diacon" lyfr erioed, onide ni ddywedasai y fath beth. Nid oes yr un awdwr yn Nghymru gydag un- rhyw eiwad a dderbyniai ddigon o archebion felly i dalu am argraffu y llyfr. Byddai raid iddo yn rhywfodd fyned at y bobl. Mae miloedd a dderbyniai lyfr ond cael cynyg arno yn eu tai neu yn y capel, na feddylient anfon i'r swyddfa am dano. Rhaid dwyn llyfrau da i gyrhaedd y bobl, a'u cymhell i'w derbyn a'u darllen. Mae y gweinidog ieuengaf gyda'r Wesleyaid mewn llawer o gylchdelthiau yn Book Agent. Mae gofalu am lyfrau yr enwad yn rhan o'i waith. Penodir goruchwyliwr i'r Drysorfa a Thrysorfa y Plant gan Gyfarfodydd Misol y Methodistiaid. Nis gallwn ni wneud y gwaith, fel y gwna cyrff crefyddol ef, ond dylem ninau ei wneud yn y ffordd a farnom oreu er cael gan ein pobl dderbyn llyfrau da. Mae gwerthu eu llyfrau yn rhan mor bwysig-yn enwedig gwerthu y Beibl- au-yn llafur ein cenadon tramor ag ydyw pregethu; ac yn ami llwyddant i werthu eu llyfrau wedi methu cael neb i'w gwrando. Nid wyf yn selog dros barhau yr arferiad i bregeth- wyr gynyg llyfrau ar cldiwedd oedfaon, er nad wyf yn edrych ar hyny unrhyw halogiad ar dy Dduw: ond yr wyf yn selog dros gael rhyw ffordd i gael llyfrau da i gyrhaedd ein cynnll- l eidfaoedd, a chymhell ein pobl i'w prynu a'u darllen. Nid oes genyf ddim cydymdeimlad a'r bobl or-grefyddol sydd yn tybied fod y capel yn rhy gysegredig i bob peth bron. Yr wyf yn credu mai goreu po fw yaf o ddefnydd a wneir o honynt yn mhlaid gwybodaeth, a moesoldeb, yn gystal a chrefydd. Buaswn yn awgrymu fod llyfr-oruchwyliwr (Book Agent) yn nglyn a phob eglwys, a hwnw yn ddyn parchus a chyf- rifol, ac i'r eglwys roddi pob cefnogaeth iddo, ac edrych arno fel ei s Nyddog mwyaf angenrheidiol, Nid rhoddi y swydd i ddyn tlawd, mewn ffordd o elusen, a hyny yn ami yn arwain i brofedig- aeth, ond ei rhoddi i ddyn uwchlaw angen, a chysylltu parch ac anrhydedd a'r gwaith. Dichon y byddai yn anhawdd ar unwaith cael personau cymhwys yn mhob lie, ond llwyddid yn raddol i'w cael, ond i'r eglwys roddi pob cefnogaeth i'r cyfryw, a chysylltu anrhydedd a/r gwaith, ac i'r gweinidog, ar adegau neillduol o'r flwyddyn, alw sylw at lenyddiaeth grefyddol yr Enwad. Dylai enwau y goruchwylwyr hyn ym- ddangos yn ein Dyddiaduron, fel y gwybyddo y rhai sydd yn dwyn llyfrau allan a phwy i ohebu. Pa fodd bynag, na ddiddymer yr hen drefn sydd wedi gweithio yn dda yn ei thymor i ddwyn llyfrau buddiol i gyrhaedd ein cynulleidfaoedd, heb fod, rhyw gynllun arall yn cael ei drefnu a gario y gwaith yn mlaen, o leiaf, yn Ilawn mor 6fleithiol. Gadawaf ar hyn heno; ond dichon y dychwelaf at y mater eto, wedi gweled a oes gan rywun arall rywbeth i'w ddyweyd arno. LLADMERYDD.

TASG I'R BEIRDD. Gosoder y geiriau canlynol yn nghyd, a gellir gwneud englyn rheolaidd o honynt:- "Llewelyn, dof, dyn, dwy, dau, dwy, dau, deiliwr, forwyn, fuwch, fwch, gooh, gwyn, lew, Feirig, a, a, dau, a, dau, dwy, delyn, a, dwy." R. ERFYL.

BIRMINGHAM. Cyfarfod Blynyddol y Gymdeithas Ddirwestol.—" Cynaliwyd y cyfarfod uchod LIun, Rhagfyr y. 3ydd, yn addoldy yr Annibynwyr, Wheeler St. Darparwyd te yn yr ysgoldy i'r plant ac eraill a ewyllysiai gyd-gyfranogi a hwynt. Arolygwyd y rhan yma yn fedrus gan Mr. R. Jervis, (Gwyn- onwy), trysorydd y gyrndeithaa. Yn yr hwyr, cynaliwyd cyfarfod cyhoeddus o dan lywyddiaeth y Parch. J. Lewis (A.), ac aed trwy raglen y cyfarfod fel y canlyn;-Ton, gan barti o blant 0 dan arweiniad Mr D. Jones. Anerchiad gan y llywydd. Ton, gan Mr Edward Pritchards, Lozells St. Adroddiad, gan Mr John Hughes, Berner St. Y mae yn ddiau fod y brawd hwn yn un o'r adroddwyr goreu. Ton, gan Mr D. Pritchard, a'i gyfeillion. Cystadleuaeth mewn adrodd "Ceisiwch eto," o'r Dyngarwr. Gwobr- rwywyd yr oil o'r ymgeiswyr. Ton gan barti o blant. Anerchiad gan Mr W. Jones, (B.), o'r Cambrian Hall. Ton gan Mri D. Jones ac E. Pritchard. Adroddiad gan Miss Jones o'r Cam- brian Hall. Terfynwyd y cyfarfod trwy i'r plant ganu. Y mae y gymdeithas uchod yn bodoli er ys dros bump o flynyddoedd bellach, nis gall neb ddirnad y gwaith da sydd yn cael ei wneud ganddi, yn ei gwaith yn rhoddi lie a chefnogaeth i fechgyn ieuainc i ymuno a Dirwest. Y mae'r aelodau yn cael eu gwneud i fyny nid o un enwad crefyddol, ond o wahanol enwadau, ond nid ydyw hi wedi derbyn rhyw lawer o gymhorth uniongyrchol ond oddiwrth rhyw ddau neu dri o enwadau, ond yn hytrach wedi derbyn llawer o rwystrau oddiar law rhai a fuasem yn dysgwyl pethau gwell oddi wrthynt. Y rhwystr olaf a gafodd y gymdeithas oddiar eu dwylaw oedd iddynt wrthod cyhoeddi y cyfarfod blynydd- ol, am y rheswm pengam mai 'hogiau' oedd wedi ceisio ganddynt. Er fod yr hogiau i hyny rhwng chwech a deg ar hugaiu oed, a' cyhoeddi cyfarfodydd er mwyn y personau a geisia hyny oddi ar eu llaw y mae y brodyr byw wys 1 Yr oeddwn i yn arfer credu mai ar amcan y cyfarfod y rhoddid pwys. Nid yw y gymdeith- as hon wedi cael y gefnogaeth a ddylasai oddi- wrth weinidogion Cymreig y dref. Nid ydwyf yn meddwl fod rhai o honynt wedi bod mewn cyfarfod o gwbl. Heblaw pregethwyr cynorth- wyol, diaconiaid ac aelodau cyffredin,yn gystal a gwrandawyr, y mae gan bob un o'r doabarthiad- au uchod lawer o le i wella. Ni wna gollwng rhyw bwff yn awr aceilwaith y tro,ac nid yw fod un yn cofio yr adeg pan y bu yn areithio ar Dairwest yn ei frat, yn ddigon o esgus droa iddo beidiogwueud dim yn bresenol. Ac y mae hi yn hollol anghyson mewn dyn i areithio ar y priodoldeb i'r Cymry ymwasgu mwy at y Saeson a chydweithio a hwynt er llesoli y dref. Ac ar yr un prv I yn methu 'ymwasgu' at ei gydgenedl er cydweithio a hwynt er llwyddiant dirwest, yn gystal a phynciau cenedlaethol eraill. Byddwn yn dysgwyl dysgu mwy o gysondeb oddiwrth ddynion na hyn. Amiywion.—Dywedir fod arwyddion am gyf- arfod llwyddianus iawn yn Wheeler St., y Nad- olig. Proffeswr Gethin Davies, Llangollen, fydd yr arweinydd. Dywedir fod rhai o'r cantorion yn ofni y bydd iddynt golli'r dydd, am fod eraill gwell na hwynt ar y maes. Bernir mai Gwynon- wy fydd y Bardd 'Cadeiriol.' o Mae rhai yn barnu fod Owain Llwyd yn prysur ddysgu yr Ysbaenaeg ar gyfer ymfudo i Patagonia Dywedir fod y gwr addawodd roddi gwersi iddo wedi gorfod ei roddi i fyny yn 'bad job.' Sib- rydion eraill a allesid enwi, ond amser a ballai, a'ch gofod chwithau yn brin. GOHEBYDD.

THROAT IRRITATION.—Soreness and dryness, tick- liug and irritation, iuducing cough and affecting the voice. For these symptoms use Epp's Glycerine Jujubes. In contact with the glands at the moment they are excited by the act of sucking, the Glycerine in these agreeable confections becomjs actively heal- ing. Sold only in boxes, Hd., tins is. ljd,, labelled "JAMES Epps & Co., Homoeopathic Chemists, London." A letter receive i; "Gentlemen,—It may, perhaps, interest you to know that after an extend- ed trial, I have found your Glycerine Jujubes of considerable benefit (with or without medical treatment) in almost all forms of throat diseases The y soften and clear the voice. —Yours faithfull, GORDON HOLMES. M.D. Senior Payaician to tltl). Muncipal Throat and Ear Infirmary.j