Llais Llafur
Labour voice
Papur newydd wythnosol sosialaidd a gyhoeddwyd yn Gymraeg ar y dechrau. Sefydlwyd gan Ebenezer Rees (1848-1908) yn Ystalyfera, fel papur newydd i wasanaethu ardaloedd diwydiannol Gorllewin Morgannwg a Dwyrain Sir Gaerfyrddin. 'Roedd Ebenezer Rees yn ŵr blaenllaw gyda'r mudiad Llafur a bu'r papur newydd yn gyfrwng pwysig i hyrwyddo'r mudiad. Yn ogystal fe gofnodai'r papur newyddion lleol a chyffredinol ynghyd a hysbysebion. Etifeddwyd y papur yn 1908 gan feibion Ebenezer Rees, sef David James Rees ac Elwyn Rees. O dan eu dylanwad hwy, dechreuwyd defnyddio'r Saesneg yn amlach na'r Gymraeg. Newidiwyd enw'r papur sawl gwaith, yn 1915 newidiodd i 'Labour voice', yn 1927 i 'South Wales voice', yn 1964 i 'South Wales and Swansea voice' ac yn 1965 dychwelodd i'r 'South Wales voice'. Un a gyfrannodd gyfres o erthyglau a llythyrau sosialaidd i'r papur oedd Robert Jones Derfel (1824-1905). Teitlau cysylltiol: Labour voice = Llais Llafur (1915-1927).
Hawlfraint:
Nid yw statws neu berchnogaeth hawlfraint yr adnodd hwn yn hysbys.
Amlder:
Wythnosol
Cyhoeddwr:
Cyhoeddwyd yn Ystalyfera gan E Rees & Sons, a gan Llais Llafur Company Ltd.
Dyddiadau Rhifyn:
1914 - 1919 (294 rhifyn ar gael)
1914
Allwedd
Dyddiad â rhifyn unigol
Dyddiad â nifer o rifynnau