The London Welshman

Pobl a Phethau yn Nghymru. Y MAE Mr. R. W. Jones, Penygroes, Arfon, wedi ei ordeinio yn weinidog ar yr eglwysi Annibynol yn Nrwsycoed a'r Cilgwyn. Gwein- yddwyd gan y Parchn. Dr. Probert, Bangor; D. Stanley Jones, Caernarfon, ac eraill. Bu Mr. Jones yn gwasanaethu yr eglwys yn Battersea Town Hall am rai misoedd o'r flwyddyn ddiweddaf, a gwnaeth lawer o gyfeillion iddo ei hun ym mhlith Annibynwyr Cymreig y Brif- ddinas. YN Japan y mae Mr. David Davies, Llandinam, ar hyn o bryd. Ysgrifenodd lythyr oddiyno i'r Western Mail, yn rhoddi cynwys ymddiddan rhyngddo ag un o brif wleidyddwyr Japan. Pleidio polisi Chamberlain yw pwrpas y llythyr, neu o leiaf dangos yr angen am gyfnewidiad ym mholisi Masnach Rydd. Ond ymddengys i ni y gellid astudio y pwnc hwnnw i fwy o bwrpas gartref. FE gofir i Rector Gwaenysgor roddi rhybudd i ysgolfeistr yr Ysgol Genedlaethol i ymadael beth amser yn ol, ac i Lys Maine y Brenhin ddyfarnu fod y rhybudd yn gyfreithlawn. Yn wyneb hynny penderfynodd y trigolion agor ysgol anenwadol, ac aeth y plant i gyd oddigerth rhyw ddeg i honno. Dydd Llun diweddaf gwysiwyd y Rector o flaen yr ynadon, am guro dwy eneth fach a garient eu llyfrau ymaith o'r hen ysgol i'r ysgol newydd. Parhaodd yr achos am oriau, ac yn y diwedd taflwyd ef allan drwy lais mwyafrif o'r ynadon ar y fainc. Ond gwrthodasant ganiatau i'r diffynydd ei gostau. MAE" goleuni" Mrs. Jones, Egryn, ger y Bermo, yn dywyllwch i bob newyddiadur yn Llundain. YSGRIFENODD Mr. Beriah G. Evans i'r Daily News i draethu yr hyn a welodd, ar hyn wele rhyw Sais yn ysgrifenu i ymholi a oedd Mr. Evans yn ei lawn synwyrau. WEDI hyn mae'r Daily Mail wedi gyru gohebydd arbenig yno, ac mae hwnnw wedi gweled y goleuni ond yn methu a'i egluro. Mae'r Sais yn awr yn credu fod rhywbeth hynod yn y peth. WRTH weled cynifer o hen wrthgilwyr adna- byddus yn dychwelyd yn un o eglwysi Cymru y Sul diweddaf sylwodd un hen frawd brwdfrydig ar ei weddi, Diolch i ti, Arglwydd mawr, am y siwins gawsom i'r rhwyd yn flaenorol; ond mae yma lot o hen sharks mawr wedi dwad i mewn heddyw."

Y Senedd. Y BRENIN YN AGOR Y TYMHOR. DYMA ni eto wedi dechreu ar waith Seneddol y deyrnas, a'r Ty mawr yn Westminster wedi dod mor fywiog a chynhyrfus ag erioed. Dydd Mawrth galwyd y cadau ynghyd, a chan fod y Brenin ei hunan wedi addaw agor y gweithred- iadau yr oedd y bobloedd wedi tyrru yno o bob cyfeiriad. Fel arddangosfa yr oedd y cyfan yn ddigymhar, a golwg ysblenydd ar y mawrion yn eu gwisgoedd gorwych yn croesawu ein teyrn fel yr anerchai hwynt oddiar ei sedd orseddol yn Nhy'r Arglwyddi. O'r tu allan yr oedd y tyrfaoedd wedi synu pawb gan eu nifer. Vr oedd pob trafnidiaeth wedi ei atal beth amser cyn dyfodiad y Brenin, a sicr na chaed ar un adeg fwy o frwdfrydedd a gwaeddi wrth weled unrhyw deyrn yn agor gwaith y Senedd-dy. Yn ei araeth agoriadol dadganai y Brenin ei ofid fod y rhyfel yn parhau o hyd yn y Dwy- rain Pell, ond ein bod ni fel gwlad mewn per- ffaith heddweh a phob un o'r Galluoedd, ac yn dyheu am weled terfyn y rhyfel rhwng eraill. Yr oeddem wedi bod mewn gohebiaeth a gwledydd ereill rnewn cysylltiad a thrafferthion y Balkan, ac mae'r mater hwn yn awr yn cael sylw y Sultan ac ereill. Mae'r cytundeb rhyngom a Ffrainc wedi ei gadarnhau gan y Senedd yno, ac mae'r helynt a fu rhwng rhyfel-longau Russia a'n cychod pysgota yn awr yn cael ei benderfynu drwy gyflafareddiad. Gwneir trefniadau i roddi ymreolaeth i'r Transvaal mor gynted ag y mae'n weddus, ac mae'r ymgyrch i Tibet wedi troi allan yn llwyddiant i'n hamcanion masnachol. Gan fod cryn anhawsder wedi codi ynglyn a rheolaeth eiddo eglwysi yn yr Alban, gwneir apel yn y Ty yn fuan i ad-drefnu y cyfan. I chwi wyr Ty'r Cyffredin disgwylir arnoch i wneyd y trefniadau arianol arferol, a gosodir o'ch blaen awgrymiadau a mesurau ynglyn a'r materion canlvnol — i. Ad-drefnu'r etholaethau. 2. Rheolaeth dyfodiad tramorwyr i Loegr. 3. Mesur addysg i'r Alban. 4. Mesur i wella Deddf lawn i weithwyr. 5. Trefnu gogyfer ag Ysgrifenydd Masnach. Ynghyd a man fesurau ereill, 1 r oil o ba rai mi hyderaf y rhoddir yr ystyriaeth lwyraf. Darllenodd y Brenin ei genhadaeth mewn llais hyglyw, ac ar ol gorphen y llith aeth yn ol i'w balas, a throdd y Seneddwyr at eu gwaith. Ty'r Cyffredin. Pan gyd-gynullodd Ty'r Cyffredin am bedwar o'r gloch i ddechreu ar y gwaith o ddifrif, yr oedd gwedd fywiog ar y seddau yno. Llanwyd pob ccngl o'r Ty yn gynar, ac 'roedd y prif arweinwyr ar y ddwy ochr wedi gwneyd ymdrech i ddod yno mewn pryd. Chwith, er hynny. oedd gan ami i aelod weled y bylchoedd a wnaed yn rhengoedd yr aelodau er pan ohiriwyd y Ty yr haf diweddaf, drwy farwolaeth Syr William Harcourt, Mr. lames Lowther, ac amryw ereill. Gwnaeth Mr. Balfour a Syr H. Campbell-Bannerman gyfeiriadau teimladwy yn ystod eu sylwadau at golled y wlad a Thy y Cyffredin ym marwol- aeth y gwr fu unwaith yn arweinydd y blaid Ryddfrydol yn y Ty. Llawer o ddyfalu sydd wedi bod drwy y gauaf ynghylch tynged y Weinyddiaeth yn ystod y Senedd-dymhor presenol. Myn rhai na ddeil y Prifweinidog ei afael ar ei ganlyn- wyr am fwy na mis o amser. Ar y llaw arall sicrheir ni y llwydda i fynd yn hwylus drwy waith y tymhor, ac na wel y flwyddyn hon- mwy na welodd y llynedd—etholiad cyffredinol. Gan fod mwyafrif presenol y Llywodraeth yn 84, rhaid addef fod y rhai sydd yn darogan oes hir-er nad oes hapus—i'r Weinyddiaeth yn ymddangos yn well prophwydi na'r dosbarth blaenaf. Cydnabyddir gan bawb fod tynged Mr. Balfour yn gorwedd yn llaw y gwr o "Brum." Gall Mr. Chamberlain gael etholiad eyffredinol unrhyw ddydd y myno, ond serch ei ymffrost ar y llwyfan ei fod yn awyddus i hynny gymeryd lie, y mae amryw o'r aelodau yn ddigon beiddgar i amheu gonestrwydd ei ymffrost, ac y mae'r olygfa yr oedd efe yn dyst o honi ddydd Mawrth, pan y derbyniwyd yr aelodau newydd, yn ddigon a pheri iddo deimlo, fel y teimla y Prif Weinidog, mai gwell yw y drwg a wyr na'r drwg ni wyr. Yr oedd yn eglur wrth araith y Prif Weinidog mewn ateb i Syr H. Campbell-Bannerman nos Fawrth, nad yw yn barod i roddi'r awenau o'i ddwylaw yn awr, a sicr yw, os y caiff gefnogaeth lied ffyddlon gan ei blaid, y llwydda i gadw y Ty i fynd hyd fis Awst gyda chryn rwyddineb. Dydd Mercher agorodd Mr. Asquith ddadl fawr yr wythnos, sef gwelliant i ateb y Ty i Araith y Brenin. Swm a sylwedd araith Mr. Asquith oedd y dylid ar unwaith apelio at y wlad er cael barn y cyhoedd ar bwnc cyllidol y dydd. Gan fod y mater wedi bod eisoes am yn agos i ddwy flynedd yn cael eu ddadlu, dylid bellach penderfynu y pwnc y naill ffordd neu'r llall ar fyrder. Hon fydd dadl fawr yr Araith Frenhinol, ac mae cryn ddadleu a'i doeth yw gwthio y peth i'r fath eithafon ar ddechreu'r Tymhor fel hyn. Y Cymry. Daeth yr adran Gymreig yn lied gryno i'w seddau, ac yn ystod y prydnawn cynhaliwyd cwrdd busness" er trefnu eu gwaith am y Tymhor. Yn bresenol yn y cwrdd 'roedd Syr Alfred Thomas, Syr George Newnes, Mri. Lloyd-George, Samuel Smith, Herbert Roberts, Herbert Lewis,' Brynmor Jones, Osmond Williams, "Mabon," Tom Richards, Alfred Davies, a Vaughan Davies. Ysgrifenodd Mri. Frank Edwards a Samuel Evans i ddweyd nas gallent ddod yno, ac mae Mr. Charles Morley eto heb wella o'r anffawd a gafodd yn ddiweddar, fel nas gall am rai dyddiau ddod i'r Ty. Gwaith y cwrdd oedd dewis Syr Alfred Thomas yn gadeirydd am y Tymhor, a Mri Herbert Roberts a Brynmor Jones yn ysgrifen- yddion. Os digwyddai iddynt fod yn lied ffodus yn y bleidlais am gael dwyn mesurau ger bron y Ty penderfynwyd rhoddi'r flaenoriaeth i Fesur Wyth Awr i lowyr, yna mesur i wella Deddf Cau'r Tafarndai ar y Sul. Croesawyd Mr. Tom Richards, yr aelod llafur newydd, i'w plith, a chaed araith fer gan Mr. Richards i gydnabod y croesaw a roed iddo. Trefnwyd fod Mr. Ellis Griffith a Mr. Herbert Lewis i gynyg gwelliantau i Araith y Brenin, yr hyn a wneir os caniata amser. Galwodd yr aelod dros Fon sylw'r Blaid hefyd at y pwysigrwydd o gael dealltwriaeth clir ar sefyllfa y Blaid Gymreig tuag at y Rhydd- frydwyr os digwydd i ni gael etholiad eleni. Dylem yn awr osod ein telerau i lawr, meddai Mr. Griffith, ac nid ar ol i'r etholiad fyned heibio; ond yr oil a wnaed oedd cael math o gymeradwyaeth hanerog i'r hyn a gredid gan yr aelod o Fon.

YM mysg yr ymgeiswyr am brif wobr Albert Hall, nos lau nesaf, y mae Cor Meiboin Eryri. Buont yn cynhal cyngherdd mawr yn Mhafilion Caernarfon nos Sadwrn diweddaf, a chanasant yn wir dda. Mae rhagolygon y bydd y gystad- leuaeth yn un galecl.

C. RUSSELL & CO., 64, 66, 68, 68a, & 70, DENMARK HILL, S.E. General Drapers. First SPRING SHOW of NEW MILLINERY, FEB. 13th.