Papurau Newydd Cymru
Chwiliwch 15 miliwn o erthyglau papurau newydd Cymru
5 erthygl ar y dudalen hon
Cuddio Rhestr Erthyglau
5 erthygl ar y dudalen hon
Am Gymry Llundain.
Newyddion
Dyfynnu
Rhannu
Am Gymry Llundain. CYFARFODYDD PREGETHU. — Cynhelir y cyrddau blynyddol ynglyn ag Eglwys Camber- well a chapel East Ham yn ystod y Sul (yfory) a nos Lun. DR. OWEN EVANS.—Yr oedd ei hen gyd- nabod yn Llundain yn falch i weled yr Hybarch Ddoctor yn edrych mor dda, ac yn dal mor gadarn i bregethu ag erioed. Cafodd oedfaon hwyliog yn Barrett's Grove ddechreu yr wythnos, a bydd eto yn gwasanaethu yn East Ham yfory. Y GREIRFA GENEDLAETHOL. — Disgwylir dyfarniad y pwyllgor ar y mater hwn cyn pen ychydig ddyddiau, a deallwn fod pobl Caerdydd yn dra hyderus y daw y Greirfa a'r Llyfrgell i'w rhan hwy. CASGLIADAU LLUNDAIN. — Y mae Cymry Llundain wedi bod yn dra selog dros gais Aber- ystwyth o'r cychwyn ynglyn a mater y Llyfrgell, a deallwn fod yn agos i ddwy fil o bunnau wedi eu haddaw at yr adeilad gan fechgyn ieuainc o'r ddinas hon. Go dda, wir. Y SEIRI RHYDDION.—Mae cynulliad terfynol yr adran Gymreig o'r Urdd hon i'w gynhal yr wythnos nesaf yn y Criterion, a chan fod gwahoddiad i ferched am y tro diau y bydd torf liosog yn y wledd. Deallwn fod yr urdd yn parhau i gynyddu mewn rhifedi a dylanwad. Y CYMMRODORION.-Mae trefniadau ar droed i gynhal garddwyl pentymhor y Cymmrodorion yn mis Mehefin, a chan fod Mr. Vincent Evans yn hen law medrus i drefnu cynulliad poblog gellir ymddiried y llwydda eleni eto i gael digon o atdyniad i hudo gwyr enwog o bob man ac o bob rhan o Gymry i'r unfan am y tro. Y GOHEBYDD BACH.—Caed cipdrem amserol ar fywyd "Y Gohebydd" o flaen Cymdeithas y Brythonwyr nos Iau yr wythnos ddiweddaf. Er nad oes amser hir oddiar y bu'r cymeriad cenedlaethol hwnw farw, eto ychydig iawn o Gymry Llundain heddyw sydd yn cofio am dano. Mynd a dod yw hanes y bywyd Cymreig, ac mae deng mlynedd yn oes faith i lawer o honom yma. Da genym felly ddeall y ceir cofiant o'r Gohebydd yn fuan, ac y ca'r to presenol fantais i ddarllen ei hanes cyn bo hir. Y PROFFESWR A'R GYMRAEG.- YVrth wrando ar nifer o blant Cymry Llundain yn dweyd eu hadnodau mewn capel Cymraeg y dydd o'r blaen, sylwai'r Proffeswr Lewis o Aberhonddu fod yn dda ganddo eu clywed yn dysgu Cymraeg mor dda. Er mai Cymraeg Llundain oedd ganddynt, eto yr oedd hyny yn well na Saesneg Cymru, ac o bob peth gwrthun ganddo y mwyaf oedd clywed plant yn Nghymru Gymreig yn adrodd eu hadnodau mewn seiat yn Saesneg. Y DIWYGIAD.—Cwestiwn cyffredin ym mysg ein cydgenedl y dyddiau hyn yn y Brifddinas ydyw-" A yw y Diwygiad wedi, cyrhaedd Llundain ? Nid ydym am ateb y gofyniad yn
Advertising
Hysbysebu
Dyfynnu
Rhannu
TREWIN & TRELEVEN, TAII.OBS, 107, Newington Causeway. SPECIAL SUITS FOR THE SPRING FROM 50/- Before ordering elsewhere call and see our Cloth which we make up. LADIES' TAILOR-MADE COSTUMES FROM 3 GUINEAS. Perfect Fit Guaranteed. Welshmen are cordially invited to give us a trial.
[No title]
Newyddion
Dyfynnu
Rhannu
WELSH HOLIDAY RESORTS.—There was a large influx of visitors to the various Welsh holiday resorts at Eastertide; in fact, an old in- habitant of Aberystwyth informs me (writes a correspondent of the LONDON WELSHMAN), that it is many years since he remembers so many visitors in the town at Easter, as he has this present year. This is a good augury for a record summer season. There is no doubt that Aber- ystwyth is much better advertised at present than has been the case. The publication of local items from the town in the holiday column of a paper like the Daily Telegraph is a particu- larly good advertisement, and the official illus- trated souvenir has proved of great usefulness.— Aberystwyth Observer. The Welsh Catholic Herald reproduced with acknowledgment a note from the LONDON WELSHMAN re Catholic Priests and Welsh. The article on Mr. Evan Roberts in Liverpool by D. Adams was reproduced in Tarian y Gweithiwr with full acknowledgment.
Pobl a Phethau yng Nghymru.
Newyddion
Dyfynnu
Rhannu
Pobl a Phethau yng Nghymru. MAE Cymdeithas yr Eisteddfod Genedlaethol wedi penderfynu rhoddi nifer o wobrau gwerth ymgeisio am danynt yn Eisteddfod Genhedl- aethol Caernarfon y flwyddyn nesaf. Adnewyddir y cynygiad o £50 am restr o enwogion Cymreig nad oedd neb yn deilwng o honi yn y Rhyl. Beirniaid y testyn hwn fyddant Mr. J. Fl. Davies, Cwrtmawr, a'r Parch. John Fisher, Cefn. Rhoddir gwobr am gasgliad o Leo Gwerin sir Gaernarfon, yr Athro John Morris Jones ac Elis o'r Nant i feirniadu a gwobr arall am eiriau opera ar ryw destyn Cymreig, Mr. D. Emlyn Evans a Mr. L. J. Roberts, Arolygwr Ysgolion, Rhyl, i glorianu. Nos Sadwrn diweddaf rhoddodd Cymdeithas Athrawon Gorllewin Lambeth, wahoddiad i Mr. Tom John, Llwynpia, Llywydd Undeb Cenedl- aethol yr Athrawon, i giniawa gyda hwy* Dengys hyn y parch sydd gan y Saeson 1.r Gymro pybyr o Gwm Rhondda. Awgrymtf fod Mr. John i dderbyn rhyw anrhydedd gan Brifysgol Cymru yn fuan. DYDD Mawrth gadawodd Mr. Evan Roberts Gapel Curig am y Cemmaes, Sir Fon, lie y gorphwysa am ryw bythefnos ymhellach. Yna dechreua ar fis o genhadaeth yn yr Ynys. Gan mai y Methodistiaid Calfinaidd yw yr enwad cryfaf o lawer ym Mon, yn eu capelau hwy Y cynhelir y rhan fwyaf o lawer o'r cyfarfodydd. MAWR OED MEIRIADOG. Mor hoew ydyw Meiriadog ;-mewn henaint Mae'n hoenus odidog; A'i awen sy mor fywiog, Llunia'r gan mor lion a'r gog. Mae'n awr yn gant namyn wyth ;-er hynny Mae'r enaid yn hydwyth Ei awen ffres sy'n dwyn ffrwyth, A rhy 'i ddwsmel gerdd esmwyth. Mawl a eilia mal hoew lane-â rhyw hoen A rhyw ynni didranc Y mae'r awen mor ieuanc Ag awen rhyw lawen lane. Yn ei fri heini arhoed,—a'i awen Yn hoew ac ysgafndroed Caffed ei gwen mewn lienoed I ganu tine yn gant oed. JOHN MORRIS JONES. MAE Baden Powell, y cadfridog enwog, i dalu ymweliad a Chasnewydd yn ystod y mis nesaf. SONIR yn awr fod Sir Forganwg i ddod tan ddedfryd y Bwrdd Addysg un o'r dyddiau nesat yma. 0 un i un fe gaiff siroedd Cymru yr b anrhydedd o gael eu ffonodio gan y Senedd. RHYDD y criticyddion Seisnig ganmoliaeth uchel i nofel ddiweddaf yr awdures Gymreig, "Allan Raine." Mae eigweithiau erbyn hyn wedl sicrhau safle anrhydeddus yn y byd Seisnig. HONA pobl Caerdydd eu bod yn Gymreig iawn, a cheisiasant ddangos hynny y dydd of blaen pan fu'r Dywysoges Christian ar ymweliad a'r dref. Dyma un o'r banerau a osodwyd i fynU gan y Gorphoraeth i'w chroesawu :— DYWYSOGES, CROESAW AR DY NEGES DDA. HEB geisio beirniadu gramadeg y fath ddar- lleniad mae'n ddigon i brofi nad ydynt Gymry, ac nad oes fawr o'r wythien farddonol Gymreig yn eu gwythiennau, onide dodasent y geiriau yn fwy seiniadol yn y dull a ganlyn :— Croesaw, Dywysoges, Ar dy Neges Da. YN Llansawel, Sir Gaerfyrddin, y codwyd Y Capel Methodistaidd cyntaf yn y sir, a bu'r hen adeilad mewn gwasanaeth hyd o fewn i ryW flwyddyn yn ol. Erbyn hyn y mae'r cyfunde wedi codi capel newydd yn y lie, ac ail agorwy yr addoldy ddechreu yr wythnos hon. Cae cynulliadau mawrion yno i ddathlu yr agoriad.
Am Gymry Llundain.
Newyddion
Dyfynnu
Rhannu
y nacaol na'r cadarnhaol, ond ymddengys fod yma ryw frwdfrydedd ynglyn a chrefydd ers rhai wythnosau. Y mae cyfarfodydd Diwyg- iadol wedi cael eu cynhal yn Stratford, Mile End, a Charing Cross gan yr efengylesau o Ddeheubarth Cymru. Y mae yr oil o'r cyfar- fodydd wedi bod yn un wenfflam fawr, ac yn dangos fod y "peth byw" wedi gafael yng nghalonau ein cydwladwyr. Nid yn unig mae y don Ddiwygiadol wedi gafael yn y Cymry, ond hefyd ar ein cyfeillion Seisnig, ac y mae amryw o'r rhai hynny wedi cymeryd rhan yn y cyfar- fodydd. Yr oedd rhyw hwyl bendigedig ym mhob un o'r cyfarfodydd, ac mewn llawer cyfarfod yr oedd cymaint a phymtheg yn cymeryd rhan-naill mewn gweddi neu ganu- ar yr un pryd. Yng nghapel Falmouth Road, dydd Gwener a dydd Sadwrn, cynhaliwyd cyfarfodydd gan Miss Maggie Davies, Maesteg, Miss Mary Davies, Gorseinon, Miss S. A. Jones, Nantymoel, a Miss Priscillia Watkins, Tre- castell, a pharhant yfory (dydd Sul). Yn ein colofnau hysbysiadol gwelir trefniadau am yr wythnos ddyfodol, pryd y bydd Mr. W. Llewelyn Lloyd, Bethel, Mon., a Miss May John, R.A.M., a Miss Lloyd yn arwain y cyfarfodydd. Yn ystod yr wythnos hon bu y Parch. Talog Davies, Cendl, yn cynhal cyfarfodydd yng nghapel Clapham Junction, a chafwyd oedfaon ardder- chog yno o dan ei arweiniad.-D. L. F. WALHAM GREEN.-Deallwn fod y Parch. J. Tudno Williams, M.A., wedi rhoddi rhybudd o'i fwriad i ymddiswyddo o fugeiliaeth yr eglwys uchod. RAMBLERS KING'S CROSS.—Cymerodd ymdaith agoriadol Ramblers y Tabernacl le dydd Iau, i Pinner. 'Roedd y tywydd yn ffafriol iawn i gerdded, a phawb mewn hwyl rhagorol. 0, mor hyfryd oedd cael bod allan am brydnawn yn y wlad. 'Roedd gweled natur yn ei phrydferthwch, a chlywed yr adar yn pyncio eu can, yn dwyn i'n cof adgofion melus, ac yn creu hiraeth am yr hen gartref yn "Ngwyllt Walia." Treuliwyd oriau hapus yn Pinner, a cherddwyd yn ol i Harrow yn swn hen emynau "Gwlad y Gan." Trwy garedig- rwydd yr haelionus Mrs. Davies, Brynhyfryd, cafwyd gwledd ardderchog o bob danteithion cyn teithio yn ol i Baker Street. 'Roedd Mr. Lloyd Davies wedi rhoddi boddhad neillduol fel arweinydd y fintai.-UN OEDD YNO. LLONGYFARCHWN Mr. T. Vincent Davies ar lwyddiant ei gyngherdd nos Iau diweddaf yn y Queen's Hall. Daeth cynulleidfa liosog ynghyd, a chafwyd hwyl dda o'r dechreu i'r diwedd. Parotowyd rhaglen chwaethus yn yr adranau lleisiol ac offerynol, ac yr oedd y datganiadau bron yn ddieithriad yn hynod o dda.