Papurau Newydd Cymru
Chwiliwch 15 miliwn o erthyglau papurau newydd Cymru
2 erthygl ar y dudalen hon
Cuddio Rhestr Erthyglau
2 erthygl ar y dudalen hon
Byd y Gan.
Newyddion
Dyfynnu
Rhannu
Byd y Gan. Cian IDRIS. "Os am brofi grym caniadaeth y cysegr," ebe un gohebydd, yr wythnos hon. Eled i gyfarfodydd cenhadol Torrey-Alexander a gyn- helir yn y Strand ar hyn o bryd." CYMERER y canu allan o'r gwasanaeth, nid yw'r effaith ar y cyhoedd ond ychydig. Tra'n myned heibio'r adeilad eang saif crwydriaid wrth glywed y cor yn canu, ac mewn canlyniad try amryw i mewn a derbyniant les fe gredwn. DYNA un engraifft lie mae caniadaeth yn help i ddenu dyn i feddwl am gyflwr ei enaid. Ond o'r tu fewn i'r adeilad y mae'r canu, os yn wresog, yn effeithio yn ogoneddus ar ddynolryw, ac y mae clywed y Gymraes (Miss Davies) yn canu caniadau Seion yno. yn gynorthwy mawr tuagat iachawdwriaeth dyn. Y MAE'R cerddorion wrthi'n ddiwyd yn parotoi gogyfer a'r British Festival a gynhelir yn y Palas Grisial ar y 24ain o'r mis hwn. Y mae'r adran Lundeinig o Gor Gwyl Handel, yr hwn a rifa oddeutu 3,000 o leisiau, i wasanaethu yn yr Wyl Brydeinig eleni. GAN fod y cor hwn wedi ei barotoi dan ddysgyblaeth yr enwog Dr. Cowen gellir disgwyl canu da ar y dewis-ddarnau, ym mysg pa rai y mae perlau cerddorol. HEFYD, i ychwanegu at gyfoeth yr wyl, y mae'r trefnwyr,wedi gofalu am sicrhau gwasanaeth yr enwogion yn yr adian unawdol ymhlith pa rai y mae ein cydwladwr Mr. Ben Davies. Y MAE llawer tro ar fyd wedi bod er pan yr ymddangosodd Ben Davies am y tro cyntaf yn y Palas Grisial, yn y flwyddyn 1873. Nid oedd amgen na bachgen yr adeg honno, yn canu yng nghor yr arweinydd enwog Caradog. UN arall o'n cydwladwyr a fydd yn gwasan- aethu yn yr Wyl Brydeinig yw Mr. Ffrangcon Davies. Bydd y dyddordeb yn fawr i gyd- wladwyr y Dafisiaid yma. HEDDYW, ddydd Sadwrn, cynhelir y cyng- herdd blynyddol gan Mr. John Thomas (Pencerdd Gwalia), yn y Royal Palace Hotel, Kensington. Chwith meddwl fod yr hen le (Neuadd Sant Iago) wedi mynd. Ychydig, yn ddiau, o'n cydwladwyr a wyddant am y Royal Palace Hotel, Kensington. FEL arfer, bydd gan y Pencerdd seindorf o delynoresau yn y cyngherdd, ac y mae'r olygfa ar y rhianod teg mewn gynnau gwynion yn chwareu telynau aurliwiedig yn beth nas gwelir ond yn anfynych yn sicr. J WRTH gwrs, fe chwareuir unawdau gan y Pencerdd ei hun a phan y sylweddolir fod y telynor yn hen wr 8oain mlwydd oed, fe ryfeddir yn sicr wrth weled ei fysedd yn rhedeg mor chwim ar y tannau man. A (T DIAU y ceir ganddo chwareuad o'r hen alaw Dafycld y Garreg Wen." Tra'n chwareu yr alaw h°n, fel rheol, mae'r hen wr gorph ac enaid yn ei delyn. Os am weled gogoniant a nerth yr hen alaw hon rhaid clywed y Pencerdd yn chwareu ei drefniant o honni; ac os oes rhithyn o farddoniaeth ynnom rhaid addef na chlywsom enoed ddim byd tebyg iddi ar y delyn. GWYR y mwyafrif am yr amgylchiadau O dan a rai y cyfansoddwyd yr unawd hon. Os gwir yr hanes, ac mae pob rheswm i gredu hynny, ymddengys i Dafydd ymofyn ei delyn ac iddo chwareu yr alaw hon ar ei wely angeu. Y mae'r gerddoriaeth yn nodweddiadol o wr ar fin marw, ac os am gael y darlun yn fyw aed ein darllen- wyr i glywed y Pencerdd yn "tynnu mel o'r tannau man heddyw'r prydnawn. YMDDENGYS erthygl ddyddorol iawn ar hen Eglwys Blwyfol Doncaster, yn y Musical Times am y mis hwn, ym mha un y ceir sylwadau dyddorol am yr hen organydd enwog, Dr. Edward Miller, awdwr y don boblogaidd, Rockingham." Mab i balmantydd o Norwich ydoedd Edward Miller, ac yn y dref honno y ganwyd ef yn y flwyddyn 1731. DA genym glywed hanes mor ffafriol am ein cydwladwyr ar lwyfanau cerddorol mewn gwa- hanol barthau o'r wlad. Yr oedd un newydd- iadur yn siarad yn uchel iawn am y baritone addawol Mr. David Evans. EREILL a glywsom ganmol arnynt yn ddi- weddar ydynt Miss Margaret Lewys a Mr. Herbert Emlyn. Rhoddir carictor ardderchog i Mr. Madoc Davies, hefyd, fel beirniad ac arweinydd cymanfaoedd, &c. Bu oriawr yr anfarwol Handel ar werth y dydd o'r blaen, a phrynwyd hi gan Dr. W. H. Cummings, Prifathraw Ysgol Gerddorol y Guild- hall. Nis gallasa: yr oriawr ddisgyn i ddwylaw mwy priodol nag eiddo'r Doctor, yr hwn sydd yn un o edmygwyr penaf Handel. PRIF atdyniad y gohebwyr cerddorol yr wyth- nos ddiweddaf ydoedd y gala performance yn Covent Garden. Y mae'n rhaid fod y Brenin Alfonso wedi llygad-dystio llawer golygfa hardd, yn enwedig yn ddiweddar, ond prin y gallwn gredu iddo erioed weled golygfa harddach na'r hon amlygwyd iddo ar ei fynediad i wrandawle Ty'r Opera, fraich-ym-mraich a'n Brenhines ni, nos Iau yr wythnos ddiweddaf. NID yw Ty'r Opera yn gyffredin yn llawenydd i'rllygad; ondar yr amgylchiad hwn yr oedd yr awdurdodau wedi parotoi cynllun o addurn- iadwaith. Pangodwyd er parch i Marcha Real," Anthem Genedlaethol yr Yspaen, cyfansoddai y mawrion olygfa na welwyd ei chyffelyb er's llawer dydd. Yr oedd y coronigau deimwnt a'r gemau dirifedi yn fflachio fel ser gyda'r goleuni trydanol, ac yr oedd yr amrywiol wisgoedd milwrol, gwladwriaethol, &c., yn ychwanegu yn ddirfawr at brydferthwch yr olygfa. Ac fel hyn y dywed un gohebydd am danynt: The chief scenic effects were, indeed, not on the stage, but in the auditorium and I am not sure that the most interesting part of the entertainment was not the half-hour preceding the King's arrival, when everybody was busily engaged in pointing out who was who, and in criticising each other's appearance." YNGLYN a'r perfformiadau ar y llwyfan nid oes fawr wedi ei ddweyd. Ond y mae amryw lythyrau wedi ymddangos yn y papyrau dyddiol yn galw sylw at y dirmyg a wnaed i gelfyddyd frodorol drwy amddifadu yn hollol gerddoriaeth Brydeinig. Gyda'r lliaws cyfansoddwyr Prydeinig talentog, y mae'r ffaith na chafwyd gymaint ag un nodyn o'u cerddoriaeth ar y rhaglen nid yn unig yn ddirinyg, ond yn afresymol i'r eithaf. FEL y sylwyd genym lawer gwaith o'r blaen, cyfansoddwr a chantor gyda Signor o flaen eu henwau sydd yn cario'r dydd. Ceir yr un egwyddor yng nghyngherddau y Cymry-canu Seisnig yn lie caneuon ein gwlad. Bu farw'r cerddor enwog, Dr. Charles Steggall, athraw mewn cynghanedd a'r organ yn y Royal Academy of Music, yr wythnos ddiweddaf, yn 71 mlwydd oed. Appwyntiwyd y Doctor yn bro- ffeswr yn yr Academy yn y flwyddyn 1851, 'ac ennillodd y gradd o Mus.Doc. yn yr un flwyddyn yng Nghaergrawnt. Bu yn ddisgybl a chyfaill i'r diweddar Sterndale Bennett, gyda pha un y bu yn offerynol i ddwyn gerbron yn Lloegr Passion Music (Bach). YR oedd Dr. Stegall yn adnabyddus iawn fel cyfansoddwr tonau ac anthemau, ac ym mysg y rhai mwyaf poblogaidd y mae ei Jerusalem on High (Ancient and Modern), ac anthem y Sulgwyn, "God came from Teman." Ym mysg ei liaws disgyblion yr oedd y diweddar Syr J. Stainer a'r diweddar Syr J. Barnby. CYNHALIODD y London Symphony Orchestra eu ciniaw blynyddol cyntaf y noson o'r blaen, ym mha un y cynrychiolwyd y baton gan Her Nikiach, Syr Charles Stanford, Dr. Cowen, Signor Mancinelli, Mr. Randeggar a Mr. Landon Ronald, a lliaws eraill. Y mae gwedd lewyrchus iawn ar y gerddoxfa ar derfyn eu tymhor cyntaf, acy mae'r ffaith eu bod, ar ol chwareu mewn 50 o gyngherddau, mewn sefyllfa arianol dda, yn waith llawer mwy nag a wnaed gan unrhyw gorph cerddorfaol yn Lloegr o'r blaen. Y MAE y gerddorfa wedi ennill enw hefyd, fel y tystiai Nikiach, mewnatebiad i lwncdestyn. Dywedai:—" Not only have you done a great thing for yourselves, but you have done a great work for English music. You are regarded on the Continent as a proof of the musical develop- ment of the country. It is an enormous pleasure for me to conduct you, for you are one of the finest orchestras in the world. I am in a position to say this because I have conducted the best orchestras in Europe, and I am direc- tor of the famous Gewandhaus orchestra at Leipzig and of the Berlin Philharmonic." CAED cyngherdd gan blant y Dosbarthau Crythol Llundain yn y Palas Grisial ddydd Sadwrn diweddaf. Nid gwaith bychan ydoedd arwain 700 o blant gyda 700 o grythau. Ond gwnaeth Mr. Walter Hedgcock hynny gyda chryn lwyddiant, ac yn sicr y mae i'w longyfarch yn fawr am y modd medrus gyda pha un yr arweiniodd yr ieuenctyd. YR oedd Master Florizel von Reuter yn chwareu yn y cyngherdd, a hawdd oedd gweled fod ei chwareuad gorphenol ar y crwth yn rhyfeddod nid bychan i'r plant. BWRIEDIR cynhal cystadleuaethau rhwng y dosbarthau crythol hyn yn y dyfodol. DAW adroddiadau hynod ffafriol am gorau a chyrddau cystadleuol yn y Gogledd.
Advertising
Hysbysebu
Dyfynnu
Rhannu
BAKER & HAMMOND, HEBERT HOUSE, Opposite "Metropole," DENMARK HILL, S.E. Upholsterers, Decorators, Cabinet Makers, and Furnishers. Furniture, Carpets, Bedsteads. House Furnishings. LINOLEUMS for home and SHOP purposes. Before furnishing your home CONSULT US. We keep a large stock, and shall be pleased to show you same. WELSH people are cordially invited. Estimates free for Removals. Telephone 2497 Hop.