Papurau Newydd Cymru
Chwiliwch 15 miliwn o erthyglau papurau newydd Cymru
3 erthygl ar y dudalen hon
Cuddio Rhestr Erthyglau
3 erthygl ar y dudalen hon
Byd y Gan.
Newyddion
Dyfynnu
Rhannu
Byd y Gan. Clan IDRIS. Y MAE parotoadau mawr yn cael eu gwneyd ar hyd a lied Cymru gogyfer a Gwyl y Banc ddechreu'r mis nesaf. EISTEDDFODAU fyddant atdyniadau y Cymry yn ystod y dydd hwnnw. Da yw meddwl y gall ein cydwladwyr fwynhau eu hunain yng nghwmni lien a chan hyd yn oed yn mhoethder mis Awst. YM mysg y rhai sydd i feirniadu yn yr adran gerddorol gwelir nifer ffafriol iawn o enwau ein cyd-ddinasyddion. YR un sydd a galw fwyaf arno i wasanaethu fel beirniad o'r holl Lundeinwyr, feallai, ydyw Mr. Madoc Davies, yr hwn sydd yn llwyddianus iawn hefyd fel athraw yn y coleg. ELFEN addawol iawn ynglyn a'r Eisteddfodau lleol eleni ydyw yr amlygrwydd a roddir i'r cor cymysg, yr hwn sydd wedi bod megis dan orchudd er's peth amser. Sicr y bydd 11awer yn falch o weled y cor cymysg yn teyrnasu ar y llwyfan cerddorol unwaith eto a pha beth sydd yn fwy ysbrydlawn na chlywed meibion a merched yn canu, dy weder, er engraifft, For unto us a child is born o oratorio Handel. YR ydym yn hoff iawn o'r cor meibion yn ogystal a'r cor merched, ond gwell genym y cor cymysg na'r oil. Y mae'r ffaith fod lleisiau y merched wythawd yn uwch na'r meibion yn creu effaith hapus yn y cor cymysg. CAED cyfle rhagorcl yn ddiweddar i wylio gogwydd y cyhoedd Cymreig ar y pen hwn, yng nghyngherdd Cor Cymry Llundain yn Neuadd y Frenhines. Cofir gan y rhai hynny oeddynt yn bresenol, er rhagored ydoedd y cor meibion, mai yn y cor cymysg oedd y dyddordeb mwyaf. Ac yr oedd y dadganiad a gaed ganddynt o "Thanks be to God yn ysbrydiaeth l'r dyrfa. Pe ceid mwy o ganu o'r safon yma gellid dweyd fod cerddoriaeth yn cyflawni ei chenad- wri uchel i ddynolryw. Nis gwelwn pahatri nas gallai Cymry Llundain gadw'r cor cymysg gyda'u gilydd, a rhoddi perfformiad o weithiau newydd David Jenkins, Emlyn Evans a Harri Evans. Y MAE yng ngallu pwyllgorau ein gwahanol gyfarfodydd cystadleuol a'n Heisteddfodau lleol, os mynant, i wneyd llawer er hyrwyddo cerdd- oriaeth a cherddorion Cymreig. Un ffordd drwy ba un y gallasent wneyd daioni mawr ydyw dewis darnau a chaneuon Cymreig fel testynau i gystadlu arnynt. Y MAE genym ein cyfansoddwyr gwych, a'u cynyrchion galluog, lawer o honynt, megis yng nghudd ac er hynny i gyd, aiff rhai pobl oddi amgylch gan floeddio nad oes genym gerddor- iaeth Gymreig. Ond, diolch i'r drefn, y mae'r bobl synwyrgall a gwladgarol yn pregethu gwell efengyl na Dicshondafyddiaeth. CLYWSOM y dydd o'r blaen fod y cyfeillion yn Falmouth Road yn bwriadu cael cystadleuaeth i gorau cymysg yn eu Heisteddfod nesaf. Gobeithio fod hynny )n wir. Gyda'r gwobrau ardderchog a gynygir )n yr Eisteddod hon, gellir denu corau y Canoldiroedd a Gogledd- barth Lloegr yn ogystal a phrif gorau y Dywys- ogaeth i ymgystadlu ynddi. DEALLWN fod rhai pwyllgorau ynglyn ag Eglwysi Cymreig y Brifddinas eisoes wrthi yn tynu allan gynlluniau Eisteddfodol erbyn y tymhor nesaf. Goddefer i ni dynu eu sylw at gyfansoddwyr a drigant yn ein plith, yn arbenig ein cydwladwr Mr. Vincent Davies, gan yr hwn y mae caneuon a darnau priodol iawn at gystadleuaethau. BYDD Tom Morgan, Battersea (y chwareuwr cornet poblogaidd), yn beirniadu yng nghys- tadleuaeth y seindyrf yn Eisteddfod Llandilo ar ddydd Llun Gwyl y Bank. NID oes ond ychydig wythnosau er pan y soniasom am lwyddiant Mr. Gwilym Rowlands, organydd Holloway, fel athraw plant gyda'r berdoneg. Cawsom y fraint, y dydd o'r blaen, o glywed un o'i ddisgyblion yn chwareu dernyn clasurol iawn ac yn wir y mae'r athraw yn haeddu pob clod a roddir iddo. UN arall o'n cydwladwyr yn y byd cerddorol ag sydd yn llwyddianus iawn ydyw Mr. Howard Lewis, 109, Balham High Road, S.W. Y mae yntau yn athraw da yng nghelfyddyd y llais, yn ogystal ag yn gantor medrus. Y MAE'N debyg mai un o'r athrawon goreu ar yr organ ym mysg ein cydwladwyr yn Llundain ydyw Mr. David Richards, A.R.C.O., organydd newydd y Tabernacl Cymreig, King's Cross; a chan fod organ newydd y capel hwn yn un wych, diau y bydd llawer yn awyddus i fod yn ddisgyblion i Mr. Richards. CAED perfformiad llwyddianus iawn o Don Giovanni" nos Sadwrn diweddaf yn Nhy yr Opera, Covent Garden, am y waith gyntaf y tymhor hwn. Ym mysg y mawrion oeddynt yn bresenol yn mwynhau eu hunain gwelsom Arglwydd Aberdare a'i briod. BYDD cyfle heno, yn yr un lie, i'r rhai hynny o'n cydwladwyr ydynt hoff o'r opera i glywed Madame Selba Kurz fel Marguerite yn Faust." Ceir y gantores boblogaidd hon ar ei goreu yn y cymeriad hwn. Ac i'r rhai hynny nas gallant fforddio myned i Dy'r Opera, y mae cyfle ar hyn o bryd i glywed scene o Faust," yn y Coliseum, gan gantorion gwych. Y mae yno gant o feibion yn y cyd- gan, ac y maent yn canu yn wir dda. Y MAE'R Americaniaid bron mor frwdfrydig yn eu derbyniad i awdwr "Yr Apostolion," Syr Edward Elgar, ag oeddynt i Dombey and Son Charles Dickens flynyddoedd yn ol. Rhoddir pob anrhydedd i'r cerddor Prydeinig yno ar hyn o bryd. Nis gall y colegau hawlio y clod y mae'r Doctor wedi ennill i'w wlad. Athrylith bur sydd y tu ol i'w gyfansoddiadau, a hi bia'r clod. Nis gellir creu athrylith yn y coleg, ond gellir ei mheithrin yno. MAE y Dywysoges Henry o Battenberg wedi addaw cyflwyno y gwobrwyon i efrydwyr y Royal Academy ar yr 2iain o'r mis hwn yn yr opera yn Covent Garden. Bydd yn ddyddorol gwylio faint o blant gwlad y bryniau a fyddant ym mysg y rhai llwyddianus. CAED cyngherdd y R.C.M. Patron's Fund," yr wythnos ddiweddaf, ac o'r pedwar sydd wedi eu cynhal hyd yn hyn hwn ydoedd y mwyaf llwyddianus yn yr ystyr arianol, a'r lleiaf yn yr ystyr gerddorol. Amcan y Patron's Fund" ydyw dwyn i'r amlwg weithiau cyfan- soddwyr ieuainc. Amcan rhagorol ond y mae lie i ddiwygiad, meddir, ar y pwyllgor sydd yn barnu pa weithiau a ddylid eu dwyn i'r amlwg. CAED sylwadau amserol iawn ar y mater hwn gan Mr. E. A. Baughan, yn y Daily News, ddydd Sadwrn diweddaf, a doeth fuasai i'r rhai sy'n rheoli y Patron's Fund wrando ar gynghorion y critic hwn. Ni ddaeth dim byd neillduol i'r allllwg yn y cyngherdd eleni. DA fydd gan llu o gyfeillion Mr. John Jones, A.C. (brawd Mr. Caradog Jones, yr arweinydd corau meibion poblogaidd), ddeall ei fod yn mynd i'r byd gwell ddydd Llun. DAW y Mason Glee Society," o Pensylvania, drosodd i Eisteddfod Gaernarfon. Y mae try- sorydd y cor, Mr. John Hughes, Caernarfon, ar ymweliad a'r wlad hon ar hyn o bryd.
RHODD UN 0 GYMRY LLUNDAIN…
Newyddion
Dyfynnu
Rhannu
RHODD UN 0 GYMRY LLUNDAIN I'W BENTREF GENEDIGOL. Diwrnod hir-gofiadwy i drigolion Niwbwrch, Mon, a'r cylch, oedd dydd Gwener diweddaf, pryd yr agorwyd y sefydliad ardderchog a adeil- adwyd ac a gyflwynwyd fel rhodd i'r trigolion am byth gan Mr. Pritchard-Jones, Regent-street, y masnachwr llwyddianus a'r gwladgarwr pybyr, yr hwn sydd yn enedigol o blwyf Niwbwrch. Y mae Mr. Pritchard-Jones, trwy gyflwyno sefydliad o'r fath i'w fro enedigol gyda'r amcan o ddyrchafu ei gydgenedl, wedi rhoddi esiampl i Gymry cy- foethog ereill. Y mae yr adeiladau, y rhai a gynwysdnt lyfrgell hardd, ystafell gynull, ystafell ysmygu—a'r oil wedi eu dodrefnu yn y modd goreu-a chwech o elusendai, wedicostio 6,ooop., ac y mae swm ychwanegol o 13,OOOP. wedi ei ddarparu gan yr un boneddwr i'r dyben o gynal y sefydliad, ac fel y caiff bob un sengl yn y tai 5s. yn wythnosol, a phob gwr a gwraig, 7 s. 6c. Yn anffodus yr oedd y tywydd yn anffafriol ddydd Gwener, ond ni ddarfu i hyny effeithio ar frwdfrvdedd y trigolion, y rhai a wnaethant yr oil oedd yn eu gallu i ddangos eu gwerthfawrog- iad o rodd ardderchog Mr. Pritchard-Jones. Cynlluniwyd y sefydliad a'r elusendai gan Mr. Rowland Lloyd Jones, Caernarfon, ac fe'u had- eiladwyd hwy gan Mr. Hugh Hughes, Niwbwrch, ac y mae y naill a'r Ilall yn deilwng o'r clod uchaf. Ychydig cyn un o'r gloch trefnwyd gorym- daith, yn cynwys plant yr ysgol ddyddiol, dan ofal Mr. D. Pryse Jones (y prifathraw), aelodau y Cynghor Plwyf, a nifer o gerbydau, yn y rhai yr oedd Syr R. Williams-Bulkeley (Arglwydd Raglaw Mon), yr hwn oedd i agor y sefydliad; Mr. Prichard-Jones, ac ereill, yr oil yn cael eu blaenori gan Seindorf Porthaethwy, dan arweiniad Mr. Senogles. Wedi cyrhaedd at ddrws y sefydliad, cyflwyn- wyd agoriad aur hardd, rhodd y trigolion, i Mr. Pritchard-Jones gan Mr. Robert Griffith (Cad- eirydd y Cynghor Plwyf). Yna cyflwynodd Mr. Pritchard-Jones yr agoriad i Syr R. Williams-Bulkeley, yr hwn a agorodd y sefydliad yn nghanol cymeradwy- aeth. Yn ddilynol, cyfranogodd y gwahoddedigion o giniaw rhagorol oedd wedi ei ddarparu ar eu cyfer yn ystafell gynull y sefydliad. Llywyddwyd gan Mr. Pritchard-Jones, ac yn mysg y rhai yn bresenol ydoedd Esgob Bangor, Syr R. Williams Bulkeley, Syr Isambard Owen a Lady Owen, Syr Marchant Williams, y Prifathraw Reichel, ac amryw o staff Coleg Bangor, Mr. Ellis J. Griffith; A.S., Proffeswr Henry Jones, Glasgow; Maerod Caernarfon, Bangor, Biwmaris, a Dept- ford; y Parch. Wm. Jones a Mr. R. P. Jones (brodyr Mr. J. Pritchard-Jones), Mr. David Owen (is-sirydd Mon), Mr. H. Lloyd Carter (is- sirydd Sir Gaernarfon), Llew Tegid, &c. Yn ddiweddarach cynhaliwyd cyfarfod cy- hoeddus ar y maes ger y sefydliad. Llywyddwyd gan Mr. R. P. Jones, C.S. Cyflwynwyd gweith- redoedd y sefydliad gan Mr. J. Pritchard-Jones, a thraddodwyd anerchiadau byrion. Yn yr hwyr cynhaliwyd cyngherdd yn Nghapel y M.C., dan lywyddiaeth Mr. Ellis J. Griffith, A.S.
Advertising
Hysbysebu
Dyfynnu
Rhannu
Howard Lewis, TENOR, Soloist at St. Andrew's, Queen Victoria Street. Voice Production and Solo Singing. For vacant dates and Terms apply to— top, BALHAM HIGH ROAD, S.W. DAVID RICHARDS, A.R.C.O., ORGANIST OF KING'S CKOSS TABERNACLE, PIANIST TO MADAME PATTI (BARONESS CEDERSTROM). Lessons Given on Piano and Organ. For Terms apply— 8, MORNINCTON RD., REGENT'S PARK, N.W.