Papurau Newydd Cymru
Chwiliwch 15 miliwn o erthyglau papurau newydd Cymru
4 erthygl ar y dudalen hon
Cuddio Rhestr Erthyglau
4 erthygl ar y dudalen hon
[ : POBL A ADWAENWN
Newyddion
Dyfynnu
Rhannu
POBL A ADWAENWN GWELAIS lofrudd, celwyddwr, dyn mcddw, lleidr, athrodwr, a thwyllwr yn cyfarfod yn yr un person, ond gwelais yn y dyn linellau prydferth iawn. Pan aeth ei ferch fach i'r carchar ato a'i gusanu gan ei alw yn Dada," torodd allan i wylo yn hidl. Yr oedd diniweidrwydd y plentyn yn gwneyd i galon llofrudd deimlo. Gwelais ddyn mewn safle uchel, yn gyfoethog, yn ddylanwadol ac yn alluog, yn gwneyd peth mor greulawn a hyn yn rhedeg ar ol cath ac yn ei chicio hyd farwolaeth. Adwaenwn ddyn o weith- iwr tlawd, yr hwn a gyfarfyddodd a gweithiwr tlotach nag ef ei hun. Aeth ag ef i'w dy, rhoddodd letty iddo, a rhanodd ei dorth ag ef. Adwaenwn ddyn arall ag oedd yn derbyn 45,000p o arian bob blwyddyn, yr hwn a allai wneyd ymchwiliad i gyflyrau tlodion ei gymydogaeth, a'r hwn, drwy hyny, a ganfyddai t, famau gweddwon yn hanner newynu eu hunain er mwyn cael bwyd i'w plant; yr hwn a ganfyddai blant heb esgidiau na dillad priodol i roddi am danynt yn y gauaf-adwaenwn ddyn fel hwn, a,c eto ni roddai geiniog i'r weddw na dilledyn i'r amddifad I Adwaenwn ddyn a wyddai bob peth am ysgrifenu i newyddiaduron, sut i gyfansoddi rhyddiaeth a barddoniaeth, ond nad ysgrif- enodd air erioed cymhwys i ymddangos yn y wasg. Adwaenwn ddyn ieuanc a fedrai wneyd pobpeth yn well na neb arall—canu, gweddio, a phregethu, ond na ofynodd neb iddo ganu, na gweddio, na phregethu. Adwaenwn ddyn a redai ar y meddygon a'u meddyginiaeth, ac a ddywedai y gwyddai efe am ffysig at -anwyd a chnoi, at gryd- cymalau a dic-dol-a-rw," at dwmyn a phob afiechyd cyffredin arall, ond a gwynai yn barhaus ei fod ef ei hun yn wael, neu ei wraig, neu un o'i blant. Gwyddwn am ddyn wyddai (cyn priodi), sut i ddwyn plant i fyny, sut i'w dysgu a sut i'w dysgyblu, ond plant yr hwn (ar ol iddo briodi) oedd y rhai gwaethaf yn y fro. Adwaenwn ddyn a allai roddi cynghor i bob masnachwr, a dyweyd pa fodd i wneyd busnes, pa fodd i gael ymadael a nwyddau, sut i gadw ac i enill ychwaneg o gwsmeriaid, ond a aeth yn fethdalwr ei hun cyn pen tair blynedd ar ol dechreu busnes, gan wneuthur colledion lawer a mwy o elynion. Gwelais weithiwr ag oedd a'i lach yn bar- haus ar y meistr, yn dyweyd fod yr olaf yn ddyn caled, caeth, ac anystyriol o fudd- iannau y gweithwyr, ond pan y daeth ef ei hun yn feistr a drodd allan y teyrn gwaethaf a welwyd erioed. Gwelais ddyn yn myned rhyw ddiwrnod i wneyd ei ffortiwn ar unwaith, yn diweddu ei oes yn y tlotty. Clywais ddyn doniol, hyawdl, a hyf ar gongl yr heol a fethai sefyll am fynyd i siarad mewn cyfarfod cyhoeddus. Adnabyddwn ddyn ag oedd yn meddu mwy o ddylanwad trwy weithio yn ei gapel heb siarad gair yn gyhoeddus yno, na'r dyn a siaradai fwyaf yno. Gwyddwn am ysgolor a fedrai ddeall dyfnion bethau gwyddoniaetha chelfyddyd. 9 waith, ond a ddyrysai ei ben wrth geisio deall biliau meddyg, cyfreitbiwr, a gof, a chyfrifon ambell i gapten Hong, Adwaenwn ambell i ferch ieuanc a hoffai i bawb sylwi arni hi yn ei dillad newyddion, ond a godai cyn dydd i olchi careg y drws, rliag ofn i neb ei gweled y pryd hyny.
FURY A'R LLEIDR
Newyddion
Dyfynnu
Rhannu
FURY A'R LLEIDR YR oeddym wedi clywed llawer o son am ladron Porth-yr-Hirbwynt, ond nid oeddym wedi sylweddoli y gwaith a wnaent hwy. Pan yr oeddym yn myned yno hefo llwyth o lechi o Borthmadog, penderfynasom gy- meryd Fury, yr ast, hefo ni. Gast a blewyn caled, stiff oedd Fury, yn nodedig o hoff o lygod Ffrengig a lladron. Gwyddai ar ysgogiad dyn os gonest fyddai ei amcanion. Deallai un yn siarad Cymraeg neu Saesneg. Pe buaswn yn gwaeddi, Fury, llygoden I" neu Fury, rat I" rhedai yr ast yn y fan. Yr un fath wrth waeddi Fury, lleidrl" Pan gyrhaeddasom Porth-yr-Hirbwynt, cadwasom wyliadwriaeth ofalus rhag y lladron. Nis gallem roddi y llong yn hollol yn ymyl y cei, ac o ganlyniad, rhaid oedd myned i'r lan ar hyd ystol. Pan y byddai y llanw allan byddai mwd trwchus yn y gwaelod o dan yr ystol. Yr oedd genym yn perthyn i'r llong gorn mwg copr. Digwydd- odd y cogydd adael y corn mwg hwn yn ei le ar amser pryd, pan yr oedd pawb yn y caban yn cael bwyd, ac heb neb yn gwylio. Clywsom rhywun yn tynu y corn copr ymaith, a meddyliasom yn y fan mai lleidr oedd yn ei ddwyn. Fury, lleidr I" meddai amryw. Yr oedd Fury ar y dec mewn eiliad neu ddau. Rhedasom ninnau ar ei hoi. Gwelem hi wedi dal dyn ar ganol yr ystol, a'r corn copr ganddo. Yn yr ymladdfa i geisio dod yn rhydd o afaelion yr ast syrthiodd y lleidr dros yr ystol i ganol y mwd islaw I Pan gyrhaeddasom ni yr ystol, yr oedd y dyn wedi myned yn llwyr o'r golwg yn y llaid I Tynasom yr ystol i'r Ilong, -cylymasom raff am un pen iddi, a rhoddasom hi dros ochr y llong ac i lawr i'r mwd. Aeth dau ohonom i lawr ar hyd-ddi, y naill o flaen y Hall, a llwyddasom i godi y lleidr o'r pydew. Dygwyd ef i'r llong. Cawsom drafferth fawr i rwystro Fury ei larpio. Wedi i ni lanhau ychydig o amgylch ei enau, golchi ei glustiau, ei ffroenau, ei safn, a'i lygaid, gollyngwyd ef yn rhydd, yn orchuddiedig gan y llaid. Credu yr oeddym y buasai hyny yn wers dda iddo rhag ceisiq dwyn eiddo pobl ereill yn y dyfodol,
TIPYN I BAWB
Newyddion
Dyfynnu
Rhannu
TIPYN I BAWB Os mynwch ben clir mynwch ystumog glir. Ymborth yr ydym wedi arfer ag ef hwyaf ydyw y goreu. Llafur a gorphwys bob yn ail, a hyny yn gyson, a sicrha oes hir. "01 mor felus-mor dra melus ydyw bywyd I" fel y dywedai y gwybedyn pan oedd yn glynu yn y triagl. Y mae cadw y meddwl yn rhydd oddi- wrth bryder ar adegau bwyta a gorphwys yn dra manteisiol i sicrhau oes hir. Cafodd "ffwl" y brenhin-yr hwn a gondemniwyd i farw—ganiatad i ddewis Surf ei farwolaeth, ac efe a ddewisodd henaiut.
Advertising
Hysbysebu
Dyfynnu
Rhannu
OOPONG. (REGISTERED) A JUDICIOUS BLEND OOPONG. OF THE CHOICEST TEAS OF QOPONG. INDIA AND CEYLON OOPONG. 2/- PER LB. OOPONG. THE CONNOISSEURS' TEA. OOPONG. UNPARALLELED FOR PURITIT, STRENGTH, AND DELICIOUS OPONG. l'LAYOUR. OOPONG. PAYMENT CASH ON DELIVERY. OOPONG. 6L13S. CARRIAGE PAID /OPONG ^'° ^>ar':s United Kingdom. u Remittances to accompany all orders OOPONG. sent by post. CHEQUES TO BE CROSSED O OPONG. NATIONAL AND L'ROV.INCIAL BANK OPONG. Money orders payable at G.P.O.. Money orders payable at G.P.O.. OOPONG. T3ARBER & COMPANY /QOPONG. -O TEA IMPORTERS, O OPONG ESTABLISHED NEARLY A CENTURY. OOPONG. 1, CHURCH-STREET, 2 AND 4, WHITECHAPEL, OOPONG. 82, LONDON-ROAD, LIVERPOOL; O OPONG. SOUTH-RD., WATERLOO; QOPONG AND AT LONDON, MANCHESTER, O OPONG. PRESTON, BRISTOL, QOPONG. HASTINGS, &c. &c. O OPONG. CAN ALSO BE OBTAINED QOPONG. FROM RECOGNISED AGENTS O OPONG. EVERYWHERE. OOPONG. QOPONG. ASK F0E IT' AND SEE THAT YOU OOPONG. Tm GET IT. gARBER AND QOMPANY.