Papurau Newydd Cymru
Chwiliwch 15 miliwn o erthyglau papurau newydd Cymru
4 erthygl ar y dudalen hon
Bwrdd y Gol.
Bwrdd y Gol. Gan fod galwadau ar ein colofnau yr wythnos hon bu raid gadael allan ar y fynud olaf Golofn y Pre- gethwyr, Beirniadaethau Eisteddfod Dulwich, ac amryw ysgrifau, gohebiaethau ac hanesion. Yr wythnos nesaf daw pob peth i drefn eto.
Marwolaeth a Chladdedigaeth…
Marwolaeth a Chladdedigaeth Mrs. Elizabeth Jones, 66, Rosemary Road, Peckham- Bore Llun, Ebrill 1, collodd eglwys y Boro' un o'i haelodau hynaf a ffyddlonaf ym, marwolaeth y chwaer rinweddol uchod. Merch ydoedd i John a Charlotte Davies, Llwynhywel, Lledrod. Saer o alwedigaeth, a brodor o ardal Llangeitho oedd ei thad; a genedigol o gyffiniau Llangwyryfon oedd ei" mham. Bu farw ei thad yn 1827, a chladd- wyd ef yn Lledrod. Symudodd ei mham j, fyw i Pentredu, Bronant, ac yn y fynwent wrth yr addoldy yno y claddwyd hi. Ni. wyddom ddyddiad genedigaeth Elizabeth, eu merch, ond bedyddiwyd hi yn Lledrod Hydref 21, 1818. Magesid bachgen amddi- fad genedigol o Swyddffynon, gan ei berth- ynasau yn amaethdy Pentre-du, o'r enw- Ebenezer Jones, yr hwn oedd yn cydchwareu- gyda phlant Mrs. Charlotte Davies, bres- wyliai mewn ty ar fuarth yr amaethdy y rhai a gawsant addysg grefyddol dda yn addoldy- Bron-nant. Pan dyfodd Elizabeth aeth i. Aberystwyth, lie y priododd a dyn o'r enw Mr. Philipps. Wedi ei farwolaeth daeth hi i Lundain at Ann, ei chwaer, yr hon ddaethai* i fynu saith mlynedd cyn hynny at gyf- nither iddi-Mrs. Evans, Featherstone Street. Ymaelododd Elizabeth yn y Boro' yn 1849, a chafodd dderbyniad gwresog yno- gan y Parchedig David Davies. Yn y Boro' cyfarfu ag Ebenezer Jones, Pentredu, a phriodasant yn St. Mary, Newington Butts, yn 1850. Bu iddynt saith o blant, dau o ba. rai a gladdwyd wrth gapel Southwark, yn Long Lane, Boro', a dau yn Nunhead. Aeth, John i Buenos Ayres, ac y mae ei merch., Mrs. C. J. Hamer, a'i brawd, Mr. Ebenezer- Jones, yn byw yn 66, Rosemary Road, Peck- ham, lie y cariant ym mlaen fasnach eang lwyddianus mewn parch gan eu holl gyd- nabod. Bu farw ei phriod, Ebenezer Jones., Ionawr 14, 1876, a chladdwyd ef yn Nun- head, ond bu Mrs. Jones, byw yn y Boro', ac yn aelod ffyddlon a pharchus yn yr eglwys, yn y lie, er ei dyfodiad i Lundain. Dyne& weithgar, ddistaw, dangnefeddus, ddoeth ydoedd. Meddai ar ffydd gref yn Nuw. Hyfryd oedd gwrando ei phrofiad crefyddol ym mlynyddoedd olaf ei bywyd. Bu farw mewn tangnefedd, a'i phwys ar Iesu Grist. Bu ei mab a'i merch a'i hwyr, Mr. E. T. Hamer, yn garedig odiaeth iddi, ac yr oedd hithau yn ddiolchgar addfwyn a lledneis ei hysbryd yn ei chystudd a'i gwendid. Dydd Llun diweddaf claddwyd hi ym medd y teulu yn Nunhead pan oedd torf fawr o'j, chyfeillion a'i chydaelodau o eglwys y Boro" yn bresennol. Gweinyddwyd gan y Parchn. D. C. Jones a D. D. John, B.A., Forest Gate. Dilynodd ei chwaer, Mrs. Ann Parry, 59, Carlyle Road, E., gyda y teulu ei gwedd- illion i lan y bedd er ei bod yn 84 oed. Methodd ei chyfnither, Mrs. Thomas, 99, Great Dover Street, fyned yn mhellach na'r ty. Y mae hi yn 87 oed, ac yn dal yn rhy- feddol o gref. Boed i'r perthynasau brofi cysur a dyddanwch goleuni y bywyd ym mro a chysgod angau, a chysgoded Duw y bedd hyd nes torro y wawr ac y cilic y cysgodau.
Advertising
FREEHOLD HOUSES, HARROW — MARLBOROUGH HILL, 3 minutes from L. & N.W. Ry. Station. TO BE LET OR SOLD, well-built semi-detached" i Villas, FREEHOLD, comprising 3 Reception Rooms, 5 Bedrooms, Conservatory, Porch and Verandah' large Garden, with use of Private Tennis Courts, Rent 250 to 256. Apply Davies and Son, Builders. Brynhyfryd, Marlborough Hill, Harrow. [B33-10C? L
_.._--Am Gymry Llundain.
a Miss Sally Jenkins. Cyflawnwyd gwaith ysgrifennyddes gan Miss Daisy John, a chafwyd un o'r eisteddfodau goreu a gafwyd erioed yn y lie. Daeth gallu ac ymdrech orchestol i'r golwg, ac yr oedd ol llafur ar y cwbl. Y buddugwyr oeddent y canlynol:— Unawd ar y berdoneg, Miss Ethel Lewis, Kennington Lane. Adroddiad 1, Mr. Rhys Jones, New Kent Road; 2, Miss Georgina Dodson, New Kent Road. Unawd i blant: 1, Mr. Rhys Jones, New Kent Road 2, Miss Minnie Dodson, New Kent Road 3, Miss Lizzie Jones, Tower Street. Unawd i ferched 1, Miss Marie Evans, Highgate 2, Miss Maggie Jones, Fenchurch Street. Barddoniaeth, Yr Enfys," Mr. D. Tyssilian Jones, St. Peter Street. Unawd alaw, O'r niwl i'r nef," 1, Miss Jennie Jones 2, Miss Marie Evans. Unawd adalaw, 0 rest in the Lord," Miss Jennie Jones. Traethawd ar Y wraig o Samaria," Miss Myfanwy Wood, 70, Heron Road, a Miss Jennie Evans, New North Street, yn gydfuddugol. Unawd, cyfalaw, Y Bugail," Mr. Harry Watkins, Mostyn Road. Traethawd ar Noah," Mr. Herbert Jones, Kennington Park. Unawd Isalaw, Y Bachgen ffarweliodd a'i wlad," Mr. Hugh Watkins, Mostyn Road. Gweu menyg i wrryw, Miss Sarah Mitchell, Mar- sham Road, Westminister. Deuawd, The Lord is my Shepherd," Miss Gwladys Wood a Miss Myfanwy Wood, Heron Road. Cyfeithu o'r Seisnaeg i'r Gymraeg, Mr. Richard Wood, Heron Road, a Mr. Herbert Jones, Kennington Park, yn gydfuddugol. Deuawd, "Y Ddau Forwr," Mri. W. R. Watkins, Clapham Road, a Mr. Richard Wood, Heron Road. Darlun cyflymfad, Mr. Arthur Davies, Hartington Street. Pedwar- awd, Ti wyddost beth ddywed fy nghalon," Miss Gwladys Wood, Miss Myfanwy Wood, Mr. W. R. Watkins, a Mr. Richard Wood, yn gydfuddugol a Miss Sally Jenkins, Miss Daisy John, Mr. Harry Watkins a Mr. Hugh Watkins. Clytio print, Miss Bessie Hamer, Abbeyfield Road, a Miss Maggie Jones, Fenchurch Street, yn gydfuddugol. Unawd ar y crwth: 1, Miss Ethel Lewis; 2, Mr. Trevor Evans a Mr. D. Cardigan Pritchard yn gyfartal; 3. Mr. David Lewis Jones 4, Mr. Evie Jenkins. Unawd i rai dros 45 oed, Mr. Richard Wood. Hul Frodig Clustog Miss Annie Llywarch. Jamaica Road, a Miss Mary Williams, Ommancy Road, yn gyd- fuddugol. Triawd, "Fair Flora Decks," Miss Myfanwy Wood, Mr. W. R. Watkins, a Mr. Richard Wood yn fuddugol. Diolchwyd yn wresog i'r llywydd a'r beirniaid, ynghyd a phawb oeddent wedi gweithio a chyfranu i wneud y cyfarfod y fath lwyddiant. Dal yn uchel a dyrchafu safon y celfan a'r gwyddorau yw un o amcanionyr Eisteddfod, ac hefyd ddeffro gweithgarwch ac ymdrech i ragori ym mhob cangen o wybodaeth. Diau fod eisteddfodau bychain Ileol drwy holl barthau Cymru a'r lleoedd y sefydla Cymry ynddynt yn gwneud gwasanaeth uchel i rinwedd, moes, a dysgeidiaeth. BARRETT'S GROVE.—Ynglyn a chyfarfod ymadawol y Parch. Edward Owen, B.A., ysgrifenna ein gohebydd Meirionfab Drwg iawn genyf i mi trwy anffawd adael allan enw y Parch. Herbert Morgan, B.A.,B.D., Castle Street, o blith y siaradwyr yn yr adroddiad o'r cyfarfod uchod yr wyth- nos ddiweddaf. ENGLYN i'r Parch. E. Owen, B A., ar ei ymadawiad o Barrett's Grove, Llundain, i Bontnewydd Arfon- Boed heddwch, a bywyd diddan-a nawdd Y nef iddo'n mhobman, Pwrs ac aur, pres ac arian, Diguro glod, a gwraig lan. Llewelyn. RAMBLERS KING'S Cnoss.-Dydd Iau di- weddaf bu aelodau yr uchod ar ymweliad a Greenwich, o dan arweiniad y Mri. Tudor Jones a B. D. Jones. Ymwelwyd ag amryw fannau o ddyddordeb, a dyddorol iawn ydoedd gweled amryw o bethau henafol ynglyn a brwydr fawr Trafalgar. Buom yn ffodus iawn i gael cwmni Mr. Collette Jones, Greenwich, un o fasnachwyr mwyaf llwydd- iannus ym mysg ein cenedl, yr hwn a eglur- odd i ni lawer o bethau hanesyddol y cylch. STRATFORD.- Cynhaliwyd cyfarfod cym- deithasol yn y lie uchod nos Iau. Hwn oedd y cyfarfod olaf o'r tymor. Cymerwyd rhan ynddo mewn canu, adrodd ac areithio, gan y rhai canlynol: Miss Jones, Seven Kings Miss Jones, Ilford Miss Margaret Daniel, Ilford; Miss Jennie Morgan, Poplar; Miss Mary Francis, Barking Road Miss Blodwen Jones, Bolton Road; Miss Lorretta Jones, Ty Capel; Miss Jennie Lewis, Matthew's Park Avenue, a Mr. John Francis, Barking Road. Hefyd, cafwyd adroddiad calonog am waith y tymor gan Mr. Denby Jones, ein hysgrifennydd. Rhoddwyd y danteithion y tro yma, gan y chwiorydd caredig, Miss Jones, Ilford, a Miss Roberts, Sherard Road. RAMBLERS CASTLE STREET.—Dydd Sadwrn diweddaf caed ramble cyntaf y tymor dan nawdd y Gymdeithas hon. Aethpwyd gyda'r tren o St. Pancras i Elstree, ac yna wedi rhodiana o gylch y lie am yspaid eisteddwyd i lawr i fwynhau te rhagorol oedd wedi ei baratoi. Treuliwyd y gweddill o'r hwyr mewn chwareuon difyr, a theimlai pawb wrth ddychwelyd eu bod wedi cael dechreuad tra llwyddianus. Arweinwyr am y tro oeddent Mri. W. J. Bowen a J. Ladd, ac mae argoelion y ceir cynulliadau lliosog yn y," rambles sydd wedi eu trefnu dros dymor yr haf dyfodol. DEWI SANT, PADDINGTON.—Praivf Dic'Shon Dafydd.—Perfformiwyd y ddrama hon gan wyr ieuainc Dewi Sant, ynneuadd yr eglwys, nos Iau, Ebrill lleg. Gobeithio y ceir per- fformiadau o ddarnau cyffelyb eto, cyn bo hir. Prif gychwynydd y mudiad ydoedd Mr. Jack Morris, St. Olaf's Road, yr hwn a weithiodd yn egniol i wneud y cyfarfod yn llwyddiant. Yn rhagflaenol i'r ddrama caf- wyd gwledd o'r fath oreu i'r corph, rhodd- edig gan wahanol aelodau—boneddigesau a boneddigion-y gynulleidfa. Mae clod yn ddyledus i'r Misses Morris, St. Olaf's Road, am y dyddordeb a gymerasant yn y symud- iad er ei gychwyniad, ac i Miss Williams, Lindfield Gardens, fel arolyges yr holl wleddoedd ydym wedi gael yn ystod tymor cyfarfodydd y gauaf eleni. Gwnaed y rhag- len i fynu o ddwy ran. Rhan 1. Prawf Dic Shon Dafydd. Cynrychiolwyd y gwa- hanol gymeriadau yn y ddrama gan y per- sonau canlynol:—Barnwr, Mr. D. Jenkins Llygadraff, Mr. H. D. Williams Tafodrydd, Mr. Tom Jenkins Tystion, Mri. Evan Hughes, Dan Jones, H. J. Pierce, a Jack Morris; Carcharor, Mr. John Watkin Tad y Carcharor, Mr. 1. Williams; Mam y Carcharor, Mr. D. H. Williams; Clerc y Llys, Parch. W. Richards; Rhingyll Williams, Mr. R. H. Morris Heddgeidwaid, Mri. H. E. Pierce a C. E. James Blaenor y Rheithwyr, Mr. Morris Parry. I ddiweddu y rhan yma cafwyd can gan Mr. Jack Morris, o'i waith ei hun, ac yn seiliedig ar y ddrama —ton, Gwnewch pobpeth yn Gymraeg. Rhan II. Caneuon a chwareuon diniwed, o dan arweiniad medrus Mr. Tom Jenkins. Unawd, Miss Nancy Parry deuawd, Mrs. D. Roberts a Mr. Tom Jenkins; comic, Mr. Bert Havill. Terfynwyd drwy ganu Hen Wlad fy Nhadau," ar ol treulio oriau dedwydd o wir fwynhad. -=-