Papurau Newydd Cymru
Chwiliwch 15 miliwn o erthyglau papurau newydd Cymru
5 erthygl ar y dudalen hon
Am Gymry Llundain.
Am Gymry Llundain. TAWELWCH.—Mae'r cylchoedd Cymreig yn lied ddistaw y dyddiau hyn, oherwydd mae paw b o nod wedi mynd i lan y mor. DYDDIAU'R TREFNU yw y dyddiau hyn, a deallwn fod y gwahanol bwyllgorau ynglyn a'r Cymdeithasau Llenyddol ar gwblhau eu rhagleni. GWLEIDYDDOL.—Sonir yn awr ei bod yn bryd i ail gychwyn Cymdeithas Cymru Fydd. Mae angen gwylio gwaith-neu yn hytrach dawelwch-yr aelodau Cymreig. 'Does wiw i ni gael 11awer o dymhorau gwag, fel ag a gaed y Senedd-dymor presennol. GWYLIAU.—Ar waethaf galwadau Ty'r Cyffredin, mae torf o'n Seneddwyr wedi cilio i unigedd y wlad. Yn ardal Traethsaith y mae Mr. S. T. Evans yn treulio ei ddyddiau segur. EISTEDDFODA.-Dyna yw gwaith llawer o'r dinasyddion ar eu gwyliau y dyddiau hyn. Clywsom mai un o arwyr Eisteddfod Aber- porth oedd Mr. Gregory Kean, King's Cross. LLOIITGDDRYLLIAD.-Aeth yr Argonaut ar greigiau Norway yr wythnos hon, a bu llawer o'r teithwyr mewn perygl. 'Roedd nifer o Gymry ar y bwrdd, a bu eu cyfeillion mewn pryder am eu sefyllfa am beth amser. TEITHWYR EREILL.—Yn yr un ardal, ond mewn llong arall, yr oedd Mri J. T. Lewis, Chancery Lane, a Phillip Williams, Earl's Court, yn treulio eu gwyliau. Disgwylir hwy yn ol o Norway yr wythnos hon, a diau y try Mr. Williams yn ddarlithydd doniol ar hanes y daith o hyn i'r Nadolig nesaf. TUA ABERTAWE.—Yno bydd pawb yn tyrru yr wythnos nesaf. Gan fod apel i gael ei wneud yno am yr Eisteddfod i Lundain yn 1909, mae disgwyliad y ceir cynrychiolaeth gref yng nghyfarfod y beirdd foreu dydd Iau. Hwn fydd dydd y cadeirio hefyd, fel mae pob He i gasglu y ceir cynulliad mawr yno. DARLUNIAU "KELT."—Da gennym ddeall fod Mr. Kelt Edwards wedi anfon nifer o'i ddarluniau i'w dangos yn arddangosfa'r Eisteddfod. Mae wedi gwneud llun rhagorol o Pencerdd Gwalia a Mr. J. Jay Williams- un o lywyddion yr Wyl—yn ogystal a llun merch fach Mr. Trich, ysgrifennydd Clwb y pel droedwyr. Bydd hwn yn un o atyniadau ad ran y celfau, yn sicr. EISTEDDFOD BATTERSEA.—Mae'r cyfeillion yn Battersea wedi trefnu i gynnal Eisteddfod ar raddfa eang iawn ym mis Ionawr nesaf. Mae neuadd fawr Battersea Town Hall wedi ei sicrhau gogyfer a'r wyl, a phwyllgor gweithgar, tan reolaeth y Parch. E. T. Owen, yn gofalu am y trefniadau. Yr ysgrifen- nyddion ydynt Mr. Tom Jenkins, 507, Batter- sea Park Road, a Mr. Evan Jenkins, Queen's Road, Battersea. Y CLWB CYMREIG.—Mae aelodau'r Clwb Cymreig wedi trefnu i roddi cinio er croesawu Mri. 0. M. Edwards ac A. T. Davies ar y 24ain o Hydref. Rhydd hyn gyfleustra i'r dinasyddion ddod i adnabyddiaeth a'r ddau wr sydd yn rheoli addysg Cymru ar hyn o bryd. PENCERDD GWALIA.-Sonir am wahodd Pence-rdd Gwalia i fod yn tin o arwyr cinio'r Clwb Cymreig ym mis Tachwedd. Mae'r Pencerdd yn haeddu y fath anrhydedd hefyd, oherwydd 'does neb wedi gwasanaethu adran gerddorol y genedl mor drwyadl a ffyddlon ag a wnaeth yr hen delynor hwn. Y LLYDAWIAID.—Disgwylir catrawd o wyr Llydaw i Lundain ar ol yr ymweliad a'r Eisteddfod yn Abertawe. Yn ol y drefn bresennol bydd mintai o honynt yn glanio yn Southampton foreu Sul, ac yna yn myned yn uniongyrchol i Abertawe. Byddant yn bresennol yn yr Orsedd dydd Mawrth ac Iau. NID yw'r aelodau Seneddol a nodir yn gyffredin fel aelodau Llafur yn rhyw unol iawn a'u gilydd. Yr wythnosau diweddaf yma maent wedi cynnal amryw gynadleddau er ceisio dod o hyd i gyd-ddealltwriaeth ar eu gwaith a'u cenhadaeth yn y dyfodol. BWRIADA Cor Meibion Rhondda, tan arweiniad Mr. J. Broad, fyned ar daith gerddorol ar draws yr Unol Daleithau yn ystod y mis nesaf. Yn ychwanegol at y parti meibion bydd dwy gantores enwog yn uno a hwy, ac hefyd y telynor poblogaidd, Ap Siencyn. CWYNO am bris y glo mae masnachwyr y wlad. Daw'r bobl gyffredin i uno yn y gwyn ar ol i'r hin oeri. Yn y cyfamser mae glowyr y Deheudir yn cael cynhauaf bras.
Bwrdd y Gol.
Bwrdd y Gol. 'Roedd awyrgylch Eisteddfodol o gylch y cynulliad a ddaeth yma yr wythnos hon. Teimlai pawb yn farddonol iawn, a'r rheswm am hynny mae'n debyg oedd fod yr aelodau i gyd wedi bod yn mynychu rhai o'r gwleddoedd barddonol a gaed ar hyd a lied Cymru ar ddydd Gwyl y Banc, ac ar ol hynny. Da oedd gan y Gol. weled y fath adfywiad yn yr ysbryd Eis- teddfodol, ac anogai bawb o'i gyfeillion fyned i Eisteddfod Abertawe er mwyn pleidio cais Llundain ar ran yr Eisteddfod yn 1909. Yr oedd amryw o'r nodion Eisteddfodol mewn Haw yr wythnos ddiweddaf, ond bu raid eu cwtogi o ddiffyg lie a phrysurdeb y Swyddfa ar ol y gwyliau. Yn ol pob hanes ddaeth i law, yr oedd y cynulliadau yn dra lliosog ac yn Ilwyddiant dyblyg-arianol a cherddorol. Gan fod Gwyl Abertawe mor agos dywedodd y Gol. nas gallai ganiatau eu lie arferol i'r beirdd yr wythnos hon, ond cododd dau neu dri o r hil ar eu sodlau gan brotestio yn erbyn eu cau allan. Eithr pan ddang- osodd y llywydd ei bastwn nerthol iddynt tawsant a son ar unwaith oil ond un o'r giwed, yr hwn a fynnai roddi disgrifiad o'r pastwn tra yn graddol wneud ei ffordd i gymydogaeth y drws:— PASTWN Y GOLYGYDD! Yn Offis y Golygydd Ceir pastwn onnen newydd I gadw'r dorf yn drefnus iawn, Ac atal dawn pob prydydd. Ca'dd Huwco deimlo'i bwysau Yn groes i'w gefn a'i goesau, Ond trymach fyth ddisgyna'n wir Ar wyr y Marwnadau, Yng nghornel gwych yr offis Bodola'r pastwn trefnus, Ei bresenoldeb ar y bwrdd Wna i ffwrdd a gwyr gofidus. Yn ami bydd ei angen Ar y Golygydd trylen Rho'i terfyn chwim o fewn y lie Ar ble wna'r pastwn onnen! Mae nerth y pastwn garw Yn llwyr ddistewi twrw Er codi syched ar yr hil Ni roddir bill am gwrw. Mi wn fod pob golygydd Yn hoff o'r pastwn beunydd, Er cael tawelwch at ei waith, Sef puro iaith gohebydd. Hylldremia llygad Llinos, Ar hwn tra yno'n aros Fe wyr yn dda er bod yn wan Beth yw ei ran a'r achos. Mae'r pastwn wedi nychu Rhyw lu o'r beirdd fu'n pechu Aeth llawer un er cadw'i ben Tu draw i'r lien i lechu. 'Does dim sydd well na'r pastwn Er ymlid haid o gacwn At hyn fe'i cedwir yn y llys- Wyr neb ei bris, mi dybiwn. Mae bywyd y Golygydd Drwy hwn yn berffaith ddedwydd, A dyna'r pa'm mae'n bod a byw Yn llyw ein cyfarfodydd. BARDD NEWYDD,
CYMDEITHAS LLAWFER.
CYMDEITHAS LLAWFER. Dydd Llun, Awst 5ed, cyfarfu dau ddwsin o aelodau Cymdeithas Llawfer Gymreig," yng Nghorwen, pryd y traddododd Mr. D. W. Evans, Llundain, anerchiad gwerthfawr yn egluro y cyfnewidiadau a wnaeth yn y Trydydd Argraffiad," ynghyda'i resymau drostynt, a chredwn fod pawb yn teimlo grym y rhesymau, ac yn barod i fabwysiadu y cyfnewidiadau. Penodwyd yr oil oedd yn bresennol i weithredu fel goruchwylwyr yn eu gwahanol ardaloedd i alw sylw at y manteision o ddysgu Llawfer, ac hefyd i gynnal dosbarthiadau. Darllenwyd papurau gwerthfawr iawn gan Mri. R. Prys Griffiths,. Lerpwl; R. Williams, M.A., Bala; R. John Ellis, Llanberis; Rhys D. Jones, Brynaman a phapur Mr. John Davies, Nefyn, gan Mr.. Griffiths yn ei absenoldeb, oil yn galw sylw at Lawfer mewn gwahanol agweddau. Dewiswyd Mr. D. W. Evans yn arholydd dros yr oil o Gymru, a Gerallt, y cyn-ys- grifennydd, yn gadeirydd y Pwyllgor yn ei le, a Mr. R. Prys Griffiths yn ysgrifennydd.. Bellach yr ydym ar dir i weithio, wedi cael y Trydydd Argraffiad o'r Llawlyfr, a gobeithiwn ymhen blwyddyn eto y bydd rhif ffono- graphwyr Cymreig wedi ychwanegu yni fawr.
Y DYFODOL.
Y DYFODOL. Boed i Ysgrifenyddion y gwahanol Gymdeithasaic anfon ar fyrder restr o'u cyfarfodydd ai-bennig ïw gosod yr y Golofn hon. Awst 21 (Nos Fercher am 7.30)— Cyfarfod Gweddi Undebol yn Castle Street,. Oxford Circus, W. Awst 28-(Nos Fercher am 7.30)- Cyfarfod Gweddi Undebol yn Falmouth- Road. Medi 1 a 2- Ail-Agoriad Eglwys St. Mair, Camberwell. Pregethwr, Parch. T. James, Llanerfyl. Hyd. 20- Queen's Hall (small), St. Mary's, Camberwell,. Grand Coneert. Tachwedd 3 a'r 4 (Dydd Sul a Nos Lun)- Cyfarfod Pregethu, Capel y Wesleyaid Brunswick, Balcombe Street, Dorset Square, W. Tachwedd 7 (Nos Iau)- Cyngherdd Mawreddog, Capel y Wesleyaid Brunswick, Balcombe Street, Dorset Square, W. Tachwedd 28- Eisteddfod Hammersmith. 1908. Ion. 23- Eisteddfod Fawreddog Battersea, yn Batter- sea (Grand) Town Hall. Jan. 30- Eisteddfod Eglwys Dewi Sant, Queen's Hall. Mawrth 5— Eisteddfod City Road yn Shoreditch Town Hall.
Advertising
AIL-AGORIAD EGLWYS ST. MAIR, Camberwell New Road. /r- J"J- Cynhelir Gwasanaethau Neillduol yn yr Eglwys uchod DYDD SUL a NOS LUN, y laf a'r 2ail o Fedi, 1907, Dydd Sul- Gwasanaeth Boreuol am 11.0 Litani „ 3.30 p.m. Gosper „ 6.30 p.m. Nos Lun- Gosper am 8.0 p.m. Pregethir yn yr holl Wasanaethau gan y Parch. T. D. JAMES, Llanerfyl. -:0:- Yn ystod y Gwasanaeth Hwyrol nos Sul cenir unawd gan Miss JENNIE HUGHES. Paratoir te prydnawn Sul yn y Schoolroom am bris rhesymol. LEWIS RODERICK, Caplan.