Papurau Newydd Cymru
Chwiliwch 15 miliwn o erthyglau papurau newydd Cymru
3 erthygl ar y dudalen hon
Cuddio Rhestr Erthyglau
3 erthygl ar y dudalen hon
..-.-..-. \ Y WERS SABOTHOL.…
Rhestrau Manwl, Canlyniadau a Chanllawiau
Dyfynnu
Rhannu
 Y WERS SABOTHOL. I 1  I i Y WERS RYNGWLADWRIAETHOL. t Gan y Parch. D. OLIVER, DD., t TREFFYNNON. g TACHWEDD 21aiii.Jonah, y Cenhadwr i Nin- efeh.—Jonah iii. 1-10. Y TESXYN EURAIDD. Ewch gan hynny a dysgwch yr holl genhedloedd, gan eu bedyddio hwy yn enw y Tad, a'r Mab, a'r Ysbryd Glan gan ddysgu iddynt gadw pob peth a'r a orch- mynnais i chwi. Ac wele, yr ydwyf Fi gyda chwi bob amser hyd ddiwedd y byd. -Amen.Matt. xxviii. 19, 20. RHAGAR WEINIOL. YR oedd gan yr Arglwydd rai yn barod i wrando ar Ei lais ac i ufuddhau i'w orchmynion yn yr adegau tywyllaf yn hanes Israel, pan oedd y lliaws yn rhuthro i ddinistr trwy anghrediniaeth ac anufudd-dod. Un felly ydoedd Jonah. Mab i Amittai ydoedd, o Gath-Hepher, heb fod yn nepell o Nazareth. Felly yr ydoedd yn broffwyd a gyfododd o Galilea (loan vii. 52). Gallwn gasglu oddiwrth y cyfeiriad ato yn Llyfr y Bren- hinoedd ei fod yn proffwydo yn nyddiau Jero- boam. Danfonwyd ef i gyhoeddi dinistr Ninefeh, ond nid oedd yn foddlon myned. Gan y gwyddai fod Jehofah yn Dduw trugarog, ofnai y buasai yn madden i'r Ninefeaid ar eu hedifeirwch, ac felly ei wneud ef yn broffwyd celwyddog. Cy- merodd long yn Joppa, a phenderfynodd ffoi i Tarsis. Ar y fordaith daeth yn dymestl, a chyd- nabyddodd Jonah mai efe oedd yr achos ohoni. Ar ei gais, taflwyd ef i'r mor, a gwaredwyd ef mewn modd gwyrthiol. Derbyniwyd ef gan bysg- odyn mawr, a bu yn ei fol am dridiau a theirnos. Wedi hynny taflwyd ef i'r lan. Ar ol y waredig- aeth ryfeddol hwn, daeth gair yr Arglwydd ato yr ail waith, yn gorchymyn iddo fyned i Ninefeh -ac efe a ufuddhaodd. Tybia llawer y dylem gymeryd hanes Jonah yn ddamegol, tra y mae eraill yn barnu, ar sail y cyfeiriadau a geir ato yn yr Ysgrythyrau, y dylid cymeryd yr hanes yn llythrennol, a bod Jonah yn berson o gryn bwysigrwydd (gwel 2 Bren. xiv. 25 > Matt. xii. 30-41, xvi. 4; Luc xi. 29). Y mae y Wers yn cyfeirio at ei ail anfoniad i Ninefeh. ESBONIADOTt. Adnod i.- A gair yr Arglwydd a adaetli yr ail waith at Jonah, gan ddywedyd.' A gair yr Arglwydd a ddaeth yr ail waith at Jonah. Er ei anufudd-dod y tro cyntaf, trwy drugaredd yr Arglwydd cafodd ail gynnyg. Ufuddhaodd yntau. Ychydig iawn o hanes personol Jonah sydd gennym heblaw yr hyn a geir yn ei broffwydol- iaeth. Yr oedd yn fab i Amittai, yr hwn oedd yn byw yn y rhanbarth gogleddol o Israel. Adnod 2.—' Cyfod, dos i Ninefeh y ddinas fawr, a phregetha iddi y bregeth a lefarwyf wrthyt.' Cyfod, dos i Ninefeh y ddinas fawr. Ninefeh ydoedd prifddinas ymerodraeth Assyria. Yr oedd yn ddinas fawr, yn sefyll ar ochr ddwyr- einiol y Tigris, i'r gogledd-ddwyrain i Babilon. Y mae darganfyddiadau diweddar wedi tafiu goleuni ar hanesiaeth y ddinas hon. Yn ol un ysgrifennydd, yr oedd yn bedair-onglog, yn mesur 150 o ystadau o hyd a 90 o led, ac felly ei hamgylchedd yn 480 o ystadau, neu 60 o fill- tiroedd. Yr oedd yn amgylchynedig gan furiaii o 100 troedfedd o uchder, ac mor drwchus fel ag y gellid gyrru tri cherbyd ochr yn ochr ar eu pennau, a'u bod yn cael eu liamddiffyn gan 1,500 o dyrau 200 troedfedd o uchder. Yr oedd ei harwynebedd yn 216 o filltiroedd ysgwar.' Dylid cofio fod yr hen ddinasoedd gynt yn cyn- nwys ynddynt lawer o feysydd agored, yn gystal a phalasdai a gerddi a pherllannau, a chedwid o fewn y muriau lawer o anifeiliaid. Ar ol i Nine- feh gyrraedd anterth ei gogoniant a'i chyfoeth, ymollyngodd i foethusrwydd a phob pechod., a chyhoeddwyd ei dinistr gan Jonah. A phregetha iddi y bregeth a lefarwyf wrthyi. J ehofah oedd yn rhoddi y genadwri i'r proffwyd. Gwyddai beth fuasai yn fwyaf cffcithiol i ddylanwadu ar y Ninefeaid. Cyhoeddi y genadwri a ddcrbyn- iodd ydoedd gwaith Jonah. Adnod 3.— A Jonah a gyfododd ac a aeth i Ninefeh, yn ol gair yr Arglwydd. A Ninefeh oedd ddinas fawr iawn o daith tri diwrnod.' -_u A Jonah a gyfododd ac a aeth i Ninefeh. Ufudd- haodd i orchymyn Jehofah, ac a aeth i Ninefeh, pellter o tua chwe chant o filltiroedd. 0 daith tri diwrnod. Os cymerir ugain milltir fel taith un diwrnod, yr oedd y pellter o gwmpas y ddinas yn drigain milltir. Adnod 4.—' A Jonah a ddeclireuodd fyned i'r ddinas daith un diwrnod, ac efe a lefodd ac a ddywedodd, Deugain niwrnod fydd eto, a Nine- feh a gwympir.' A Jonah a ddechreuodd fyned, i'r ddinas. Wedi iddo fyned i'r ddinas a dechreu teithio, dechreuodd hefyd gyhoeddi y genadwri a dderbyniasai gan Jehofah. Deugain niwrnod j fydd eto, a Ninefeh a gwympir. Diau fod ym- ddanghosiad y proffwyd dieithr o Israel a natur ei genadwri yn tynnu sylw y trigolion ar un- waith. Yr oedd cwpan digofaint ar gael ei dywallt ar y ddinas a'i thrigolion oherwydd eu pechodau. Yr oedd dydd dial yn ymyl: nid oedd ganddynt ond deugain niwrnod i ystyried eu sefyllfa. Yr oedd y ffaith nad oedd y dinistr yn disgyn ar unwaith yn rhoddi lie i obaith y caent eu gwaredu os edifarhaent. Adnod 5.A gwyr Ninefeh a gredasant i Dduw, ac a gyhoeddasant ympryd, ac a wisg- asant sachlian, o'r mwyaf hyd y lleiaf ohonynt.' A gwyr Ninefeh a gredasant i Dduw. Effeithiodd y genadwri ar wyr Ninefeh, a dygwyd hwy i gredu yn Nuw. Oddiwrtho Ef yr oedd ymwared i'w chael. Ac a gyhoeddasant ympryd. Hyn yn brawf o'u hymostyngiad a'u hedifeirwch. Ac a wisg- asant sachlian. Dyma'r ffordd oedd ganddynt i ddangos eu galar a'u gofid. Y mae yn ymddangos fod edifeirwch y bobl wedi cymeryd lie yn fuan ar ol i Jonah gyhoeddi ei genadwri, a bod eu hedifeirwch yn gyffredinol. Adnod 6.—Canys gair a ddaeth at frenin Ninefeh, ac efe a gyfododd o'i frenhinfainc, ac a ddiosgodd oddi am dano ei frenhinwisg, ac a roddes am dano lian sach, ac a eisteddodd mewn lludw.' Canys y gair a ddaeth at frenin Ninefeh. -Clywodd y brenin genadwri y proffwyd, ac effeithiodd arno yr un fath a'i ddeiliaid. Gosod- odd ei hun ar y run safle a hwythau. Cyfododd o'i frenhinfainc, a diosgodd ei frenhinwisg, a gosododd am dano lian sach, ac eisteddodd mewn lludw. Yr oedd yr arwyddion allatiol hyn yn dangos ei edifeirwch a'i alar. Adnod 7.—'Ac efe a barodd gyhoeddi, a dy- wedyd trwy Ninefeh, trwy orchymyn y brenin a'i bendefigion, gan ddywedyd, Dyn ac anifail, eidion a dafad, na phrofant ddim na pliorant, ac nac yfant ddwfr.' Ac efe a barodd gyhoeddi, a dywedyd. Yr oedd y brenin yn teimlo fod y perygl mor fawr fel yr oedd yn rhaid i'r ymos- tyngiad fod yn gyffredinol ac eithriadol. Yr oedd dyn ac anifail i ymprydio. Hen ac ieuanc, gwreng a bonheddig. Nid oedd yr anifeiliaid i bori nac i yfed dwfr, ac yr oedd dyn ac anifail i gael eu gwisgo a sachlen. Adnod 8.—' Gwisger dyn ac anifail a sachlen, a galwant ar Dduw yn lew ie, dychwelant bob un oddiwrth ei ffordd ddrygionus, ac oddiwrth y trawster sydd yn eu dwylaw.' A galwant ar Dduw yn lew. Hyn yn profi dyfnder y teiiulad oedd vn eu nodweddu. Yr oedd yna wahan- iaeth hollol yn ymddygiadau y bobl. Yn lie ymroddi i lythineb a phob drygioni, galwant ar y Duw byw mewn gweddi. A dychwelant bob un oddiwrth ei ffordd ddrygionus. Y mae gweddi yn effeitliiol pan y bydd yn dangos ei hun mewn dychweliad oddiwrth ffordd ddrygionus-troi oddiwrth bechod ymhob ffurf arno. Adnod 9.—' Pwy a wyr a dry Duw ac edifar- hau, a throi oddiwrth angerdd Ei ddig, fel na ddifether ni ? Pwy a wyr a dry Duw ac edifar- hau. Yr oedd y ffaith Ei fod yn rhoddi deugain niwrnod yn sail i obaith. Dywedir fod Duw yn edifarhau pan y mae yn newid yn Ei weinydd- iadau at ddyn. Y mae Duw yn newid pan y mae dyn yn newid. Pan y mae dyn yn edifar- hau, y mae Duw yn troi angerdd Ei ddig oddi- wrtho. Adnod xo.—' A gwelodd Duw eu gweithred- oedd hwynt, droi ohonynt o'u ffyrdd drygionus ac edifarhaodd Duw am y drwg a ddywedasai y gwnai iddynt, ac nis gwnaeth.' A gwelodd Duw eu gweithredoedd, hwynt. Sef gweithredoedd addas i edifeirwch. Oherwydd hynny, ni ddyg- odd arnynt y farnedigaeth a fygythiwyd. New- idiodd y bobl yn eu harfcrion, ac mewn can- lyniad y mae Dnw yn newid yn Ei weinydd- iadau tuag atynt. Peidiodd a dwyn y farn arnynt. Digiodd Jonah yn fawr oherwydd na chyflawn- wyd ei ragfynegiad. Danghosodd Duw iddo ei ffolineb yn digio trwy ei deimlad ei hun yn achos ei gicaion (gwêl iv. 4-18). GOFYNIADAU AR Y WERS. 1. Pwy oedd Jonah ? Pa le yr oedd yn byw ? 2. Pagenhadaethneilltuolaroddoddjehofah iddo i'w chyAawni ? 3. Pa beth a wnaeth Jonah mewn canlvniad i'r gorchymyn cyntaf a gafodd ? 4. Pa beth ddigwyddodd iddo ? Pa fodd v'i gwaredwyd ? 5. Rhoddwch ddisgrifiad o fawredd Ninefeh. 6. Beth oedd sefyllfa foesol y trigolion ? 7. Beth oedd y genadwri a roddwyd i'r proff- wyd, a pha fodd y cyflawnodd ei genadwri ? 8. Pa effaith gafodd ei genadwri ar y bobl ? 9. Ymha ystyr yr ydym i gymeryd yr ymad- rodd, 'Ac edifarhaodd Duw ? 10. Paham y digiodd Jonah ? Pa fodd y dang- hosodd. Duw iddo ei ffolineb ?
.Cwestiwn Syml.
Newyddion
Dyfynnu
Rhannu
Cwestiwn Syml. DYMUNIR AR BOBr. MERTI-IYR I ATEB HWN YN ONEST. Onid yw gair trigiannydd cynrychioliadol o F^ erthyr yn fwy argyhoeddiadol nag ymadrodd- ion amheus pobl sydd yn byw yn rhywle arall ? Darllenwch hwn Mai 31ain, 1913, Mr J. Leaker, 28 Bryn-street, ger yr Ysgolion, Twynyrodyn, Merthyr Tydfil, a ddywedodd :—' Yn awr ac eilwaith yn ystod y blynyddau diweddaf yr wyf wedi bod yn cael fy mhoeni gan boen yn y cefn, yn codi oddiwrth anhwylder yr arennau. Yr oedd y poenau yn syfrdanol a chnoawl, ac anawdd iawn oedd codi ar ol plygu. Yr oeddwn bob amser yn waeth ar ol annwyd, a chawn gur yn y pen ac arwyddion eraill o'r anhwylder. Cynghorwyd fi i dreio Doan's Backache Kidney Pills, a da oedd gennyf gael allan en bod wedi clirio cyfundrefn yr arennau a'111 gwneud yn iach drachefn. Meddyliaf yn uchel o'r feddyginiaeth, ac yr wyf bob amser yn ei chymeradwyo. (Arwyddwyd) J. Leaker.' Mehefin 18fed, 1915-dros ddwy flynedd yn ddiweddarach—dywedodd Mr Leaker:—'Cadwaf yn hollol glir oddiwrth anhwylder yr arennau, fel y mae yn dda gennyf ddweyd. Yr wyf yn cael pelennau Doan yn dra effeithiol at unrhyw ar- wyddion o'r anhwylder. Y maent wedi fy iachau i, ac yr wyf bob amser yn eu cymeradwyo. Eiddo Doan yw yr unig belennau wyf wedi eu cymeryd erioed.' R-hyddha Doan's Backache Kidney Pills gron- iad ac enyniad yr arennau, iachant y bledren, fel y mae gwenwyn y sur troethol achosa y crydcymalau, dolur y cefn, grafel, anhwylderau troethol, ac afiechydon eraill, yn cael eu clirio yn llwyr allan o'r cyfansoddiad. Pris 2/9 y blwch, gan yr holl fasnachwyr, neu yn uniongArcliol oddiwrth Foster-McClellan Co., 8 Wells-street, Oxford-street, London, W. Peidiwch a gofyn am belennau at y cefn neu yr arennau—gofynnwch yn eglur am Doan's Backache Kidney Pills, yr un fath ag a gafodd Mr Leaker. 7
Ysgol Sul Undebol Gymreig…
Newyddion
Dyfynnu
Rhannu
Ysgol Sul Undebol Gymreig Caerodor. Cynhaliodd yr ysgol hon ei chyfarfod chwart- erol prydnawn Sul, Hydref I7eg, yng nghapel y Methodistiaid Cymreig. Llywyddwyd ar yr achlysur yn fedrus a deheuig gan y Parch W. A. Jenkins, Blaenrhondda Dechreuwydtrwy fawl a gweddi ac adrodd Salm gan Mr D. T. Williams, yna awd drwy y rhaglen yn y drefn ganlynol:— Can, 'Scopas,' Mr D. N. Jones; adroddiad, Beautiful Snow,' Miss Morris; ton, Yr Ysgol Sul,' Mr Miles a'i barti; adroddiad, Y cloc yn taro,' Miss Winifred James; unawd ar yr hir- grwth (cello), 'Reverie,' Mr H. Talbert; traeth- awd, 'Y Beibl,' Mr J. T. Powell; ton, 'Gwahoddiad yr lesu,' gan barti o wrywod dan arweiniad Mr R. Roberts; yna catwyd anerch- iadau byrion gan y Llywydd ac Arolvgydd yr Ysgol; can 'Trig gyda mi,' Mr J. Howells; ton, 'Blodau'r lesu,' Mr Miles a'i barti; adrodd, 'The way to Heaven,' Master Rees; ton, 'Alex- ander' (wedi ei chyfaddasu i leisiau meibion gan Mr T. Glyndwr Richards), Mr Roberts a'i barti. Wedi canu emyn terfynwyd cyfarfod hwylus ac adeiladol trwy weddi gan Mr Owen, myfyriwr yn y Western College. Yna cyfranogwyd o'r danteithion darparedig gan foneddigesau yr ysgol cyn ymwahanu i'n gwahanol gapeli i'r odfa hwyrol. R. ROBERTS, Arolygydd.