Y Tyst

I Eglwys y Pare, Llanelli. [ CYFARFOD CROESAWU AC URDDO. Hir y bu'r disgwyl am i'r uchod ddigwydd yn ein tref, ac o'r diwedd y mae ymhlith y pethau a fu, ond ei ddylanwad sy'n gymysgedig a'r pethau sy'n aros. Ar y Sul a'r Linn, Hydref lOfed a'r lleg y digwyddodd, ac yr oedd y cwbl o'i gwmpas yn fawr mewn gwirionedd. Y mae y gwr a groesawyd ac a urddwyd yn wybyddus trwy Gymru benbaladr erbyn hyn fel pregethwr ac fel ysgolor. Y mae yn M.A. a B.D., a rheiny o Goleg Prifysgol Llundain, a bu drysau rhai o eglwysi mwyaf ein Henwad yn lied agored iddo gyda'r amcan o'i gael i'w pulpudau. Ond i Lanelli y daeth Mr Rees Griffiths, ac i eglwys Seisnig y dref ac eglwys ragorol ydyw-un o oreuon y De. Y mae ynddi wyra gwragedd cyfoethog mewn golud a gras, eang a dwfn eu cydymdeimlad, a'u teyrngarwch i'r pur a'r dyrchafedig yn ddiarhebol ac i blith y rhai hyn y daeth Mr Griffiths yn syth o Goleg Newydd, Llundain. Ganwyd ef ym Mwlchygroes, sir Aberteifi, a deehreuodd bregethu ym Manceinion, sef yn Booth-street, o dan weinidogaeth y Parch Morgan Llewelyn; ac fe all eglwys Booth- street a'i gweinidog ymfalchio yng nghodiad y Parch Rees Griffiths. Cynhaliwyd y cwrdd croeso nawn Llun. Llywyddwyd ynddo gan Mr Fred Thomas, swyddog hynaf yr eglwys, ac un o golofnau y mudiad dirwestol yn y dref er's hanner canrif. Croesa.wyd Mr Griffiths yn galonogol a chynnes i'r dref ac i fysg y gwahanol enwadau. Croes- awyd ef yn enw'r dref gan ein Maer, sef Syr Stafford Howard, K C.B dros yr Annibynwyr gan y Parch D. Lewis (Dewi Medi) dros y Bedyddwyr gan y Parch W. Trefor Jones; dros y Methodistiaid gan y Parch R. Williams; a thros Gyfarfod y Gweinidogion gan y Parch W. R. Watkins, M.A, Siaradwyd ymhellach gan y Prifathro Dr E A. Garvie, M.A., B.D., Coleg Newydd, Llundain; Mri Gwilym Williams, trysorydd diwyd yr eglwys; E. Willis Jones, un o ffyddloniaid yr eglwys ac aelod o'r Cyngor Trefol; a chafwyd ychydig o eiriau tyner ac agos gan Mr Griffiths Ar ol canu'r Doxology ymadawodd y dyrfa wedi cael ohonynt gwpanaid o de blasus ac areithiau ysblennydd. Am saith yn yr hwyr daeth mwy na llond y capel mawr yn ol drachefn i weled y cyntaf, yn ol pob tebyg, yn cael ei urddo yn eglwys y Pare. Yr oedd y cyfarfod hwn o dan lywydd- iaeth Mr W. Lewis, M A., prifathro Ysgol Sir y dref. Ar ol i'r Parch E Jenkins, Walter-road, fynd trwy raunau arweiniol y cwrdd, traddod- odd Mr Lewis anerchiad-byw a llawn o ysbrydolrwydd, yr hwn fu'n achos i roddi cyweirnod lawn i'r cyfarfod, ae yn y cyweir- nod hwn y bu'r gynulleidfa am yn agos i dair awr o amser. Cafwyd hanes yr alwad gan Mr W. Stuart, ysgrifennydd yr eglwys, a hynny mewn modd meistrolgar iawn, a darllenodd amryw lythyrau oddiwrth foneddigion yn mynegi eu hanallu i fod yn bresennol. Ar ol hyn cafwyd ychydig eiriau gan y Parch Tom Davies, Bwiehygroes, megis awel o ardd o flodau. Yr oedd sawr y rases ar y mawl roddodd i Mr Griffiths am ei enw da a'i gymer- iad gloyw ym Mwlchygroes a chyn eistedd estynnodd godaid o aur i'r gweinidog newydd dros yr eglwys. Dilynwyd Mr Davies gan y Parch Morgan Llewelyn. Efe ddarganfyddodd Mr Griffiths, ac efe a'i cymhellodd i ddechren pregethu. Cyn gorffen traddodi ei araith dlos ac effeithiol, estynnodd 'Hasting s Dictionary of Christ and the Gospels' i arwr y cyfarfod. Gvda hyn esgynnodd Mr Griffiths i'r pulpud i roddi ei Gyffes Ffydd, ac yn wir yr oedd hi'n deilwng o'i ddysg a'i grefydd, ac yn glod i goleg a chapel. Yr oedd ei bregethn i droiogwmpas gwirioneddau mawr Prynedigaeth, Person Crist ac Anfarwoldeb yr Enaid. Cyn disgyn o Mr Griffiths o'r pulpud esgynnodd y Parch Elfed Lewis, M.A., ac offrymodd yr urdd-weddi yn ddwys ac yn dyner. Ar ol canu emyn, traddodwyd siars i'r gweinidog gan Dr Garvie, seiledig ar Esaiah vi. 1-8. Dilynwyd ef gan Elfed, yr hwn a roddodd siars i'r eglwys ar y geiriau—' Y mae yr Ysbryd a'r briodasferch yn dywedyd, Tyred,' Dat. xxii. 17. Amhosibl ydyw nodi y rhai ag oedd yn bresenuol, gan eu bod luosoced. Yr oeddynt yno o Landudoch i Fanceinion, ac o Lundain i Lerpwl, yn feirdd cadeiriol a choronog, ac yn weinidogion poblogaidd a lleygwyr o fri. Dangoshasant oil uched oedd eu syniad am hen eglwys y Pare ac am ei gweinidog ienanc dawnus Dymuniad pawb oedd yno oedd am i'r undeb fod yn hir ac yn fendithiol. Nawdd y nef fo drostynt oil. I Ebenezer. T. ORCHWY BOWEN.

I GOGLEDD CEREDIGION. Bow Street.-Dydd Gwener cyn y diweddaf, cynhaliodd yr eglwys hon ei chyfarfod diolch- garweh, ac yn yr hwyr pregethwyd i lonaid capel gan y Parch J. Lewis Williams, M.A., B Sc., Aberystwyth. A berystwyth.- Yng ngwyl flynyddol eglwys Baker-street eleni gwasanaethwyd gan y Parchn J. J. Williams, Treforris, ac E. Keri Evans, M.A., Caerfyrddin. Pregethau da a chynull- iadau Iluosog. Salem.-Nos Iau cyn y diweddaf, traddod- wyd darlith odidog yma ar I Iolo Morgannwg' gan y Parch J. J. Williams, Treforris. Cadeir- iwyd gan y Parch Griffith. Parry, Llanbadarn, yr hwn hefyd, yn ol ei haelioni arferol, a ychwanegodd yn fawr at yr elw a wnaed. Dydd Gwener, pregethwyd gan y Parch J. J. Williams, a Henry Williams, B.A., Machynlleth. Yroedd eneiniad oddiwrth y Sanctaidd Hwnnw ar yr holl odfeuon. Mae gwedd ddymunol ar yr achos o dan weinidogaeth gref y Parch Llewelyn, Morgan, ac ystyried amgylchiadau y bryniau yma ar hyn o bryd. Trodd y cyfarfod a'r ddarlith allan yn llwyddiant amlwg, a gor- ffwysed bendith y Goruchaf eto ar y cyfan. Tabor.-Y mae yr eglwys fechan hon get llaw Plimlumon, wedi colli un o'r aelodau ffyddlonaf oedd ynddi yn symudiad gan angeu Mr John James, Pfosfudr, yr hyn a gymerodd le yr wythnos ddiweddaf, wedi cyrraedd ohono dros 80 mlwydd oed. Bu yn ffyddlon i gyrchu drwy y blynyddoedd ar bob tywydd i Tabor; ac er fod ganddo gryn bellter o ff ordd, a honno yn u In arw a digysgod, eto anfynych y gwelid ei le yn wdg yn y capel oedd mor agos at ei galon. Bu yn swyddog yn yr eglwys hon am flynyddoedd meithion, a bu yn gofalu am yr achos bychan hyd oui symudwyd ef at ei wobr, fel y bydd bwlch mawr ar ei ol, a hwnnw, y mae lie i ofni, yn un nas llenwir yn fuan. Un o ergydion trymaf ei oes oedd iddo yn ei fisoedd olaf fethu dod, yn ol ei arfer, i gynteddau yr Arglwydd. Blysiai am danynt, a gwnaeth ymdrech arwrol lawer tro yr wythnosau diweddaf i gerdded yr hen lwybrau; ond yr oedd y galon wedi llescau a'r cam wedi byrhau gormod i gyrraedd y cynt. eddau fel cynt, a mawr oedd ei siomedigaeth oblegid hynny. Ym mynwent gyhoeddus Tal- ybont y gorffwys gweddillion yr hen sant diymhongar, a gwasanaethwyd yn ei angladd gan y Parchn F. H. Davies, Bethesda; J. Davies. Gwarcwn; Llewelyn Morgan, Salem; ac R. E. Jones, Talybont. Y mae iddo amryw o blant, a'r oil yn cerdded llwybrau eu rhieni, ac y mae iddo frodyr, a'r rhai hynny yn golofnau yr achos yn yr eglwysi y maent yn aelodau ac yn swyddogion ohonynt. Y mae cydymdeimlad d'r teulu a'r perthynasau yn nydd eu galar. Cwmerfyn.—Bu eglwys Siloah yn y cwm hwn yn ethol swyddogion newydd y dydd o'r blaen, a disgynnoddy goelbren ar wyr cymwys, sel Mri John James, Cwmerfyn, a W illlam Edwards, Cwmerfyn Farm. Yr ydym yn cofio dynion cryfion yn swyddogion yn yr eglwys hon, a mawr hyderwn y prof a y ddau hyn eto eu hunain yn deilwng o'r tada fcsydd wedi mynd. J MOCHNO.